Vykanaŭca abaviazkaŭ kiraŭnika Chabaraŭskaha kraju Michaił Dziehciaroŭ, pryznačany na hetuju pasadu prezidentam Rasii Uładzimiram Pucinym 20 lipienia, prybyŭ u rehijon, pieradaje tass.ru.

Pierad prylotam jaho samalota ŭ aeraporcie Chabaraŭska pravodziłasia evakuacyja: chtości paviedamiŭ ab miniravańni terminała.

Dziehciarova pryznačyli v. a. kiraŭnika Chabaraŭskaha kraju paśla adchileńnia ad pasady hubiernatara rehijona Siarhieja Furhała, jakoha padazrajuć u datyčnaści da dziejnaści miascovaj złačynnaj hrupoŭki i arhanizacyi zabojstvaŭ biźniesmienaŭ u 2000-ch hadach. Sam Furhał vinu nie pryznaje.

U Rasii zatrymali hubiernatara pa padazreńni ŭ arhanizacyi zabojstvaŭ

Furhała zatrymali 9 lipienia i dastavili ŭ Maskvu, dzie sud aryštavaŭ jaho na dva miesiacy. Pucin 20 lipienia adpraviŭ Furhała ŭ adstaŭku ŭ suviazi sa strataj davieru.

Zatrymańnie papularnaha ŭ Chabaraŭskim krai kiraŭnika vyklikała šmattysiačnyja mitynhi pratestu. «Maskva, sychodź!»— patrabavali ich udzielniki.

U rasijskim Chabaraŭsku siomy dzień zapar prachodzić mitynh. Iznoŭ sabralisia dziasiatki tysiač ludziej VIDEA

Клас
0
Панылы сорам
0
Ха-ха
0
Ого
0
Сумна
0
Абуральна
0