Alaksandra Źvierava, dziaŭčyna zatrymanaha Eduarda Babaryki, padzialiłasia z Redakcyjaj «Našaj Nivy» listami, jakija prychodziać da jaje ź SIZA KDB, dzie z 18 červienia znachodzicca Eduard. Kali i vy chočacie napisać list, kali łaska, układajcie kanviert sa zvarotnym adrasam i markami na im, kab Eduard mieŭ mahčymaść adkazać vam. 

Saška, ku-ku! 

Apošni list u svaim žyćci ja adpraŭlaŭ, kali mnie było 11, kali vioŭ pierapisku z 18-hadovaj damaj z burackaha čata:) Vidać, toj dośvied zrabiŭ na mianie niezabyŭnaje ŭražańnie. 

Umovy i staŭleńnie nie vyklikajuć nijakich pytańniaŭ, tamu možna skazać, što ja ŭ biaśpiecy i ŭ mianie ŭsio dobra, nakolki moža być dobra ŭ maich umovach. Tut vielmi šmat volnaha času, jaki ja pryśviačaju čytańniu i samaraźvićciu. Užo vymaloŭvajecca ŭłasny hrafik, jaki robić dni karysnymi i nasyčanymi. Spadziajusia, što i z tvajoj dapamohaj u mianie atrymajecca akružyć siabie ŭsioj nieabchodnaj litaraturaj i atrybutami. 

Takim čynam, mahu zrabić vysnovu, što nahodaŭ dla chvalavańnia za mianie niama. Kali niechta cikavicca, to možaš usich supakojvać. Spadziajusia, što hetyja radki tabie taksama dadaduć upeŭnienaści. Jak pisaŭ Simanaŭ: «Ustavaj, moj chłopčyk, na śviecie dva razy nie pamirać», «ništo na śviecie nie zmoža nas vybić ź siadła. Takaja ŭžo pahavorka ŭ majora była». 

Ku-ku, Saška!

Tolki siońnia, 30 červienia, atrymaŭ 2 tvaje listy. Jašče pryjšoŭ list ad Jarasłava, bolš listoŭ niama:)

Učora atrymaŭ pieradačku, asobny dziakuj za sinija šorty — heta toje, čaho mnie nie chapała. U minułym liście ja skłaŭ śpis taho, čaho jašče nie chapaje, plus pieradavaŭ častku praz advakataŭ. Karty — nielha:) A voś šachmaty, šaški, nardy možna. Advakaty pavinny byli pieradać. 

Dziakuj vialiki tabie za padtrymku! Pieradavaj pryvitańnie-ŭdziačnaść usim, chto padtrymlivaje, niachaj viedajuć, što našy sercy (majo ŭ pryvatnaści) napoŭniena ŭpeŭnienaściu, što dabro pieramoža. 

Jak kazaŭ naš lubimy Sem, adkazvajučy na pytańnie Froda, na što jany abapirajucca: «My abapirajemsia na toje, što ŭ śviecie jość dabro. I što samaja nieprahladnaja ciemra adnojčy raśsiejvajecca». Viedaj, što nichto nie žurycca i nie adčajvajecca, bo praŭda zaŭždy pieramahaje. Spadziajusia, u ciabie ŭsio dobra, ja pobač. 

Saška, ku-ku! 

(…) Pa-raniejšamu ŭsio dobra. Siońnia mnie advakaty raskazali pra videazvarot ad Ełajdža Vuda ŭ padtrymku nas. Heta tak kruta, što Froda z nami!!! Cikava, ci apublikavali ŚMI hetaje videa? 

Vorah dazvoliŭ mnie zajmacca ŭ kamiery (rabić fizičnyja praktykavańni), čamu ja vielmi rady. Ciapier zajmajusia ranicaj na špacyry, dniom u kamiery. Ciapier vielmi čakaju śpis knih, ałoŭki i šachmaty — zažyvu!

(…) Siońnia advakaty pakazvali mnie artykuł na TUT.BY — viasiołyja vy, dziakuj! Mnie vielmi pryjemna. Sumuju pa tabie i Kokiču! Dzialisia, kali łaska, navinami, mnie vielmi pryjemna atrymlivać listy — byccam hłytok śviežaha pavietra. 

(…) Rady, što ŭ chłopcaŭ i dziaŭčat u «Vulei» ŭsio dobra. Upeŭnieny, što vy daście rady. Za mianie ni ŭ jakim razie nie pieražyvaj. Praŭda i dabro zaŭsiody pieramahajuć. Spadziajusia, što nie atupieju ad niemahčymaści stvarać. 

Pra padziei ŭ Biełarusi i śviecie pa-raniejšamu ničoha nie viedaju — tolki ŭryŭki. Spadziajusia, što haziety vyrašać hetuju prablemu. 

Dziakuj vialiki tabie za padtrymku, ja jaje adčuvaju! Pacałuj i abdymi ad mianie Kokiča. Spadziajusia, jana mianie nie zabudzie. 

Budu čakać novych listoŭ. Nie pieražyvaj za mianie — usio vyrašycca. Ciapier bolš važna ŭsim na voli rabić toje, što pavinny. Pieradavaj Mašcy, dziadulu i ŭsim chatnim pryvitańnie.

Eduard, pradaviec pietardaŭ

P.S. Dziakujučy trymieru ja ciapier łysy, ale baradu nie čapaju. 

Sašulka-pryhažuńka, pryvitańnie! 

(…) U mianie pa-raniejšamu ŭsio dobra. Čakaju śpis knih i šachmaty, kab praduktyŭniej bavić čas. 

Ja vielmi rady tamu, što vy stasujeciesia z Maškaj, spadziajusia, u vas atrymajecca padtrymlivać adna adnu. Sumuju pa tabie. Mnie vielmi važnyja tvaja padtrymka i tvoj bajavy duch. Mnie taksama biaskonca pryjemna atrymlivać tvaje listy, karotkija i vialikija, na ŭsiemahčymyja temy. Ty pryŭkrasnaja:) Taksama chaču paciskać maleńkaha Kokiča. 

Adkryŭ dla siabie Murakami ŭ biblijatecy SIZA. Čytaju ŭžo druhuju jaho knihu. Vielmi dziŭna, što raniej paźbiahaŭ dziadulu Charuki:) Jon šykoŭny. (…)

Sašun, ku-ku! 

(…) Siońnia atrymaŭ pasyłku. Ahramadny dziakuj! Usio pryjšłosia vielmi darečy. Miata vydatnaja. Mahčyma, adnojčy ŭdasca pieradać płastykavyja šachmatnyja fihury, kab vykarystać ich na došcy, jakuju atrymaŭ. Vielmi spadziajusia na toje, što ty adčuvaješ siabie dobra, vysypaješsia i adpačyvaješ. Razumieju, što situacyja nie spryjaje, ale spadziajusia, što ty ŭsio ž znachodziš mahčymaści dla nievialikich radaściaŭ. Ja taksama spadziajusia, što Kokič choć časam, ale śpić z taboj u łožku:) List nievialiki, prosta chacieŭ padzialicca ŭdziačnaściu za pasyłku i dobrym nastrojem.

Abdymajsia z čeburečkam i radujsia soniejku!

Edzianča

Miłaja Sašańka, 

(…) Da hetaj pary nie mahu pryniać navinu pra babulu, mocna pieražyvaju i rasstrojvajusia, što nie pobač z taboj. Ale ty viedaj, što ja kožnuju siekundu ŭ tvaim sercy, a ty — u maim. Heta dumka napaŭniaje mianie ciepłynioj i sensam. Dziakuj tabie za toje, što zastaješsia pobač. My ŭsio vytrymajem i znoŭ budziem ščaślivyja. 

(…) Nie ŭjaŭlaju, jak mocna źmianiłasia tvajo žyćcio, ale viedaju, što ty z usim spravišsia. Bo ty niepieramožnaja Saška Balbao. Žart pra toje, što ja ŭ SIZA i tamu niama kamu ciabie davodzić da śloz, vielmi spadabaŭsia. Prosta ŭ kropku. Uśmichajusia:) 

(…) Ja tak rady, što ty praciahvaješ śniedać ź siabrami na vychodnych. Heta tak dobra, što vakoł ciabie takija ludzi! Viedaj, što sa mnoj usio dobra. Psichałahična i fizična. SIZA — idealnaje miesca dla treniroŭki siły duchu i voli. 

Učora nočču praz vokny byli čutny niaspynnyja aŭtamabilnyja sihnały. Padtrymka blizkich i tych, chto supieražyvaje, dajuć šmat sił. Usio macniej pierakonvajuć, što ŭsio nie darma. 

Maru pra sustreču, maja čaroŭnaja Saša. Pobač z taboj zaŭsiody. 

Tvoj Edźka. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?