Pravaabaroncam viadoma jak minimum pra 1140 vypadkaŭ advolnych zatrymańniaŭ, jakija adbylisia z 6 maja (kali byli zatrymańni hrupy Siarhieja Cichanoŭskaha) pa 20 lipienia, paviedamlaje spring96.org.
190 čałaviek atrymali ahułam 2607 sutak aryštu pa administracyjnych artykułach, vykarystanych u metach palityčnaha pieraśledu.
333 čałavieki atrymali štrafy ahulnym pamieram bolš za 265275 rubloŭ.
Pryčym na mirnych akcyjach suprać nierehistracyi kandydatami ŭ prezidenty Viktara Babaryki i Valeryja Capkały, a taksama na inšych akcyjach salidarnaści (i paśla ich), jakija prachodzili 14 i 15 lipienia, u Biełarusi było zatrymana jak minimum 420 čałaviek.
Ź ich u Minsku było zatrymana jak minimum 329 čałaviek: 303 14-ha lipienia padčas stychijnaj akcyi pratestu i 26 čałaviek 15-ha — kali ludziej zatrymlivali prosta za toje, što jany stajali ŭ čarzie, kab padać skarhi ŭ Centrvybarkam, ci prosta prachodzili mima supracoŭnikaŭ AMAPa.
