Biełaruski bajanist Vital Varanko vypuściŭ klip «Baćka».
«Baćka, rodny naš baćka, bulba z taboju, z narodnaj luboŭju. Apładziruju stoja supierhieroju», — badziora śpiavaje artyst u kukuruznym poli. Jon dziakuje kiraŭniku krainy za darohi, čyściniu i mirnaje nieba nad hałavoju.
Vital raskazaŭ «Našaj Nivie», što zapisać pieśniu było jaho idejaj.
«Ja prosta hladžu na hetu situacyju i baču: naohuł nichto nie padtrymlivaje našaha prezidenta. I vyrašyŭ padtrymać. Heta asabista majo mierkavańnie, jano nikoli i nie mianiałasia pa sutnaści. Ja šmat dzie pabyvaŭ: paŭsiul jość svaje prablemy. Zaŭsiody pryjemna viartacca dadomu. Usio mirna, spakojna.
Tak, ja nie staŭ aliharcham. Jezžu na staroj mašynie, žyvu na zdymnaj kvatery, ale praciahvaju zajmacca tvorčaściu i sam siabie rablu. Pierš čym suprać kahości vystupać treba dumać pra toje, što robicie vy», — ličyć artyst.
Skrynšot ź videa
Za dźvie hadziny klip sabraŭ dziasiatki aburalnych kamientaroŭ.
«U kožnaha jość svajo mierkavańnie, ja jaho pavažaju, — spakojna stavicca da reakcyi aŭdytoryi Vital. — Kali ad mianie adviarnucca ci źnienavidziać niejkija siabry, značyć takija i siabry. Ja zastaŭsia muzykantam».
Dva hady tamu bajanist, darečy, vystupaŭ pierad Łukašenkam. Syhraŭ jamu «Žyvie-žyvie ŭ hetym domie Halina», dy tak, što prezident padpiavaŭ.
«Heta majoj mamy lubimaja pieśnia, bo jaje tak zavuć, — patłumačyŭ Vital toj vybar repiertuaru. — Ja jaje śpiavaju na ŭsich karparatyvach, jana ŭsim zachodzić. Padumaŭ, značyć, i tut zojdzie».
Čytajcie taksama
Łukašenka padpiavaŭ «Živiet-živiet v etom domie Halina». A ministr kultury ź vice-premjeram pasaromielisia VIDEA
Vital Varanko, jaki hraŭ dla Łukašenki na bajanie, staŭ udzielnikam «Doma-2» VIDEA
