«Naša Niva» i Bukmiekierskaja kantora Leon praciahvajuć sačyć za futbolnym pieršynstvam.
Vaźmicie hulniu «Haradzieja» — «Biełšyna». Zdavałasia, što cikavaha mahło b adbycca ŭ matčy z takoj afišaj?! Hulnia i ruchałasia pa panyłym scenary da dadadzienaha arbitram času, a potym pačałosia takoje…
Na 95-j chvilinie «Haradzieja» zabivaje ź pienalci, ale ŭsia śpioka była tolki napieradzie. Na vośmaj dadadzienaj chvilinie paśla padačy z vuhłavoha Leanid Koviel lik zraŭniaŭ i nibyta zachavaŭ dla svajoj kamandy taki važny turnirny bał. Ale «cukrovyja» nie źmirylisia z takim raskładam i zmahli vyrvać takuju važnuju pieramohu.
Prosta pahladzicie ahlad hulni, ale raim zrabić huk cišejšym, bo kamientatar byŭ vielmi emacyjnym.
Astatnija matčy taksama paradavali niečakanymi vynikami. «Słuck» pieršaj z 2013 hoda chatniaj pieramohaj nad «Isłačču» narešcie pierarvaŭ haniebnuju sieryju bieź pieramoh. Niepryjemnaja sieryja skončyłasia i ŭ «Minska», jaki ŭ derbi adoleŭ «Enierhietyk-BDU», jaki raźbirajuć na zapčastki.
BATE ŭ Breście na kłasie abhulaŭ «Ruch» i dahnaŭ «Šachcior», jaki padzialiŭ bały z «Niomanam». Haradziency byli ŭpeŭnienyja ŭ sabie i całkam pierahulali supiernikaŭ. Ale ŭpeŭnienych dziejańniaŭ u abaronie i šasnaccaci ŭdaraŭ pa bramie (dla paraŭnańnia, salihorcy nanieśli tolki čatyry) nie chapiła dla pieramohi.
Voś usie vyniki matčaŭ minułaha tura:
- «Słuck» — «Isłač» 2:1 (50, Kaanda; 53, Hafar — 15, Bitok)
- «Haradzieja» — «Biełšyna» 2:1 (90+5, Joksimavič; 90+9, Sajčyč — 90+8, Koviel)
- «Viciebsk» — «Smalavičy» 1:0 (56, Nikałajesku (p))
- «Ruch» — BATE 0:3 (6, Naścič; 20, Niachajčyk; 44, Skavyš)
- «Minsk» — «Enierhietyk-BDU» 2:1 (45, Ał. Vasiljeŭ (p); 52, Zaleski — 35, Judčyc (p))
- «Nioman» — «Šachcior» 0:0
- «Tarpieda-BiełAZ» — «Dynama-Minsk» 0:0
TURNIRNAJA TABLICA
A zaraz pierachodzim da padziej nastupnaha tura.
«Ruch» — «Słavija»
- 24.07, 18:00. DASK «Brescki».
- Kaeficyjenty: «Ruch» (pieramoha) — 1.98; ničyja — 3.80; «Słavija» (pieramoha) — 3.95.
Składany dla prahnazavańnia matč. Bieraściejcy i mazyrčuki znachodziacca pobač u turnirnaj tablicy, a adziny ich matč u historyi skončyŭsia nulavoj ničyjoj.
«Słavija» minuły tur prapuskała praz karancin bresckaha «Dynama», imavierna, hety čas kamanda praviała ŭ pošukach słabych bakoŭ svajho supiernika.
Prahnoz «NN»: ničyja.
«Viciebsk» — «Słuck»
- 24.07, 20:00. CSK FK «Viciebsk».
- Kaeficyjenty: «Viciebsk» (pieramoha) — 1.80; ničyja — 4.00; «Słuck» (pieramoha) — 4.65.
«Viciebsk» prajhraŭ tolki adnu chatniuju hulniu ź dzieviaci ŭ hetym čempijanacie. I ŭ apošnich 11 matčach u kamandy Jasinskaha taksama tolki adna paraza, ale i pieramoh nie tak šmat.
«Słuck» prajhraŭ piać apošnich vyjaznych matčaŭ. Mahčyma, doŭhačakanaja pieramoha dadaść kamandzie novych sił, ale paŭtareńnie viesnavoha cudu, ščyra kažučy, małaimavierna.
Prahnoz «NN»: pieramoha «Viciebska».
«Isłač» — «Dynama-Brest»
- 25.07, 16:30. Minsk, stadyjon «Traktar».
- Kaeficyjenty: «Isłač» (pieramoha) — 3.17; ničyja — 3.75; «Dynama» (pieramoha) — 2.28.
Čempijony narešcie ačuniali i jeduć u hości da «Isłačy». U kamandy ź minskaha rajona znoŭ sieryja z troch paraz, ale viasnoj jana nie praciahnułasia daŭžej. A ciapier isnuje vialikaja imaviernaść praciahu padzieńnia.
Letaś pry kancy čempijanatu «Isłač» nie dała «Dynama» siabie abhulać i krychu zaciahnuła čempijonskuju intryhu. Ci atrymajecca toje ž samaje ŭ «vaŭkoŭ» i na hety raz?
10.11.2019. Hulnia «Isłač» — «Dynama-Brest». Fota Nadziei Bužan.
Prahnoz «NN»: totał, bolšy za 2.5.
«Biełšyna» — «Nioman»
- 25.07, 18:30. Babrujsk, stadyjon «Spartak».
- Kaeficyjenty: «Biełšyna» (pieramoha) — 4.85; ničyja — 3.75; «Nioman» (pieramoha) — 1.83.
Kamanda-adkryćcio hetaha čempijanatu adpraŭlajecca ŭ Babrujsk. Pakul pa stračanych bałach «Nioman» idzie naroŭni z BATE i «Šachcioram», i hulnia z aŭtsajdaram — dobraja nahoda praciahnuć lidarski kurs i ŭpieršyniu za šeść hod vyjhrać u «Biełšyny» ŭ haściach.
Spadziajomsia, drama babrujčan u minułym tury nijak nie adabjecca na hulni kamandy i «Biełšyna» zmoža praciahnuć zmahańnie za vyžyvańnie.
Prahnoz «NN»: «Nioman» pieramoža.
«Dynama-Minsk» — «Haradzieja»
- 25.07, 20:30. Minsk, stadyjon «Dynama».
- Kaeficyjenty: «Dynama» (pieramoha) — 1.38; ničyja — 5.30; «Haradzieja» (pieramoha) — 9.15.
«Haradzieja», dziakujučy doŭhačakanaj pieramozie, zmahła krychu adarvacca ad zony vyletu, a ŭ minskaha «Dynama» nie atrymałasia nablizicca da pjedestału: tolki ničyja ŭ Žodzinie.
Fota: FK «Dynama-Minsk».
Miarkujem, što pa vynikach siezona abiedźvie kamandy zachočuć zabyć jaho jak strašny son. Ale jašče jość 12 turaŭ, kab stanovišča vypravić.
Prahnoz «NN»: «Dynama» pieramoža.
«Enierhietyk-BDU» — «Tarpieda-BiełAZ»
- 26.07, 16:00. Maładziečna, haradski stadyjon.
- Kaeficyjenty: «Enierhietyk» (pieramoha) — 2.93; ničyja — 3.55; «Tarpieda» (pieramoha) — 2.52.
Amatary futboła ŭ Maładziečnie ź pierajezdam «Enierhietyka» ŭ ich horad vidavočna tolki vyjhrali. To «studenty» vyjhrajuć u kamandy-čempijona, to vydaduć tryler ź likam 3:3 suprać «Viciebska», to dekłasujuć «Słaviju» ź likam 5:0, ale ŭ apošnim matčy jany sami trapili pad katok «Ruchu» i prajhrali 1:8.
«Tarpieda» hulaje taksama niestabilna apošnim časam: usiaho adna pieramoha ŭ apošnich siami turach. Jašče paračka takich niaŭdač — i zamiest najvyšejšych radkoŭ u tablicy žodzincy apynucca ŭ druhoj jaje pałovie. Tamu Puntusu treba karystacca kadravymi i turnirnymi prablemami svaich budučych supiernikaŭ.
Prahnoz «NN»: «Tarpieda» pieramoža.
BATE — «Minsk»
- 26.07, 18:00. «Barysaŭ-Arena».
- Kaeficyjenty: BATE (pieramoha) — 1.39; ničyja — 3.55; «Minsk» (pieramoha) — 9.00.
Z BATE paśla pieramohi ŭ Breście krychu spaŭ cisk. Ci padobna heta da pačatku novaj pieramožnaj sieryi, jak u pieršym kruzie, pakul niajasna, ale hulnia z «Minskam» dobraja dla hetaha nahoda.
Tym bolš što «Minsk» apošni raz pieramahaŭ u Barysavie ažno 10 hod tamu.
Prahnoz «NN»: BATE pieramoža.
«Šachcior» — «Smalavičy»
- 26.07, 20:00. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.14; ničyja — 10.25; «Smalavičy» (pieramoha) — 21.00.
U «Smalavičaŭ» u Viciebsku nie atrymałasia paŭtaryć taki truk, jaki jany praviarnuli ŭ matčy z «Isłačču». Dziorzkaja kamanda sastupiła, ale minimalna i tolki «dziakujučy» pienalci.
Ciapier u ich vielmi surjozny ispyt — sustreča ź lidaram, jaki ničoha nie pakazaŭ u Hrodnie i, imavierna, budzie vielmi zły.
Mahčyma, pieramahčy ŭ Hrodnie «harniakam» nie daŭ mocny doždž. Fota: FK «Šachcior».
Prahnoz «NN»: «Šachcior» pieramoža.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
