Ministr zamiežnych spraŭ Uładzimir Makiej, adkazvajučy na pytańni žurnalistaŭ pa vynikach sustrečy z kiraŭnikom MZS Łatvii Edharsam Rynkiavičusam, prakamientavaŭ padziei vybarčaj kampanii ŭ Biełarusi, pieradaje BIEŁTA.
Uładzimir Makiej padkreśliŭ, što vybarčaja kampanija prachodzić u strohaj adpaviednaści ź biełaruskim zakanadaŭstvam. «Usia struktura dziaržaŭnaj ułady ŭ Biełarusi nacelena na toje, kab padrychtoŭka i praviadzieńnie prezidenckaj vybarčaj kampanii išli ŭ poŭnaj adpaviednaści z zakonam i z zachavańniem pravoŭ čałavieka. Ale kiraŭnictva Biełarusi nie dapuścić, kab štučna była destabilizavanaja situacyja ŭ hramadstvie, krainie ci kab heta pryviało da straty suvierenitetu, niezaležnaści dziaržavy», - skazaŭ kiraŭnik MZS.
U. Makiej siońnia ździajśniaje adnadzionny rabočy vizit u Łatviju. Hetuju krainu ŭ krasaviku pavinien byŭ naviedać Alaksandr Łukašenka. Adnak u suviazi z uspyškaj karanavirusa vizit byŭ pieraniesieny na bolš poźnija terminy.
