Pra heta zajaviŭ žurnalistam ministr zamiežnych spraŭ Biełarusi Uładzimir Makiej siońnia pa vynikach sustrečy z łatvijskim kaleham, paviedamlaje BIEŁTA.
Kiraŭnik biełaruskaha MZS padziakavaŭ ministru zamiežnych spraŭ Łatvii Edharsu Rynkievičsu za mahčymaść praviadzieńnia takoj sustrečy. Jon raspavioŭ pra toje, što abmierkavaŭ z łatvijskim kaleham šyroki śpiektr pytańniaŭ, jakija tyčacca raźvićcia palityčnych i ekanamičnych kantaktaŭ, havorka išła ŭ tym liku pra raźvićcio kantaktaŭ pa linii Biełaruś — ES.
«U nas vielmi dobryja pierśpiektyvy raźvićcia dalejšaha supracoŭnictva z Łatvijaj, - ličyć Uładzimir Makiej. - Na žal, situacyja z pandemijaj na niekatory čas prypyniła našy palityčnyja kantakty, palityčnyja zadumy, ale ja pierakanany, što my vierniemsia da ich realizacyi paśla palapšeńnia situacyi. My zacikaŭleny ŭ ciesnym supracoŭnictvie z Łatvijaj u transparcie, łahistycy, tranzicie, sielskaj haspadarcy, śfiery vysokich technałohij. Va ŭsich biez vyklučeńnia abłaściach».
Pry hetym ministr zajaviŭ, što jość šerah kankretnych prapanoŭ dla raźvićcia kantaktaŭ pamiž Biełaruśsiu i Łatvijaj, a taksama vychadu na novy ŭzrovień supracoŭnictva.
«My taksama abmierkavali pytańni raźvićcia ŭzajemadziejańnia Biełarusi ź Jeŭrapiejskim Sajuzam. Dla nas Jeŭrapiejski Sajuz źjaŭlajecca važnym źniešniepalityčnym i źniešnieekanamičnym partnioram. My zacikaŭleny ŭ tym, kab pastupovaja tendencyja raźvićcia ŭsiebakovaha supracoŭnictva ź Jeŭrapiejskim sajuzam i krainami-členami praciahvałasia i raźvivałasia», - pradoŭžyŭ Uładzimir Makiej.
