Zatrymańnie žurnalista Andreja Rabčyka. Fota Vadzima Zamiroŭskaha
Pradstaŭnictva ES u ABSIE 24 lipienia apublikavała zajavu nakont padziej u Biełarusi ŭ kantekście budučych prezidenckich vybaraŭ.
ES čakaje ad Biełarusi svabodnych i spraviadlivych vybaraŭ, bieśpieraškodnaj akredytacyi naziralnikaŭ, dopusku niezaležnych i zamiežnych žurnalistaŭ.
Zajavu ahučyŭ pradstaŭnik ES u ABSIE na pasiedžańni 23 lipienia ŭ Vienie. ES, havorycca ŭ zajavie, zaniepakojeny paviedamleńniami ab užyvańni ŭ Biełarusi hvałtu suprać žurnalistaŭ i błohieraŭ, ich zatrymańniach i štrafach.
«Takija dziejańni z boku biełaruskich siłavych orhanaŭ nieprymalnyja, — havorycca ŭ zajavie. — Jak adznačała pradstaŭnica ABSIE pa pytańniach svabody ŚMI i inšyja krainy-členy ABSIE, žurnalisty majuć klučavuju rolu ŭ aśviatleńni padziej, jakija pradstaŭlajuć hramadski intares, i biełaruskija ŭłady pavinny zabiaśpiečyć im mahčymaść vykonvać svaju pracu».
