Supracoŭniki prakuratury nie pravodziać rabotu pa pazbaŭleńni Vieraniki Capkała baćkoŭskich pravoŭ, paviedamlaje viedamstva.
Fota Nadziei Bužan.
— Siońnia šerah internet-resursaŭ apublikavali infarmacyju, atrymanuju ad eks-pretendenta ŭ prezidenty Respubliki Biełaruś Valeryja Capkały i jaho žonki, pra nibyta prakurorskuju rabotu, jakaja pravodzicca, pa pazbaŭleńni Vieraniki Capkała baćkoŭskich pravoŭ, — adznačyli ŭ prakuratury.
Tam padkreślili, što pradstaŭniki prakuratury škołu, dzie vučacca dzieci Capkałaŭ, nie naviedvali i nijakich dziejańniaŭ, nakiravanych na pazbaŭleńnie Valeryja abo Vieraniki Capkałaŭ baćkoŭskich pravoŭ, orhany prakuratury nie rabili praz adsutnaść padstaŭ.
Nahadajem, 24 lipienia stała viadoma, što eks-pretendent u prezidenty Valeryj Capkała razam ź dziećmi źjechaŭ ź Biełarusi. Capkała adznačyŭ, što jaho siabry ŭ pravaachoŭnych orhanach papiaredzili, što rychtujecca jaho aryšt, a da jaho dziaciej u škołu pryjšli pradstaŭniki prakuratury i prasili nastaŭnikaŭ napisać zajavy.
Valeryj Capkała ź dziećmi źjechaŭ ź Biełarusi
Valeryj Capkała: Kali ŭ Biełarusi budzie horača, ja pryjedu raniej za 9 žniŭnia
