Bolš za miesiac tamu byli zatrymanyja brescki błohier Siarhiej Piatruchin i jaho kaleha ź Biarozy Alaksandr Kabanaŭ, jakija taksama źjaŭlajucca aktyvistami ruchu pa baraćbie z akumulatarnym zavodam. Jany znachodziacca ŭ SIZA ŭ Minsku jak abvinavačanyja pa kryminalnaj spravie. Biełaruskija pravaabaroncy pryznali ich palitviaźniami, piša Bresckaja hazieta.
Adziny sposab suviazi z Kabanavym i Piatruchinym ciapier — listy i paštoŭki. Aktyvist Dźmitryj Andrasiuk pakazaŭ listy, jakija atrymaŭ u adkaz na svaje paštoŭki. List Piatruchina zusim karotki, u Kabanava trochi daŭžejšy. Abodva pišuć, što ŭ ich usio narmalna, nakolki heta moža być u situacyi, jakaja skłałasia.
«Čytaju knihi zapojem. Abaviazkova napišu pra heta miemuary. Usim pryvitańnie. Ja ŭ paradku, čaho i ŭsim žadaju», — havorycca ŭ liście Siarhieja Piatruchina.
«U nas usio narmas, jak u turmie. Nastroj narmalny, nie sumuju. Nam ź Sieržykam jašče adzin artykuł vystavili, 369. Kahości tam abrazili. Za nas asabliva pieražyvać nie treba, ja asabista byŭ hatovy da luboha raźvićcia padziej. Škada tolki, što nie viedaju, što tam adbyvajecca na voli.
«Usim akumulatarščykam vialikaje pryvitańnie!!!» — piša ŭ kancy Kabanaŭ.
Darečy, 30 lipienia ŭ jaho dzień naradžeńnia, adpravić vinšavańnie błohieru možna pa adrasie: 220030, Minsk, vulica Vaładarskaha, 2, SIZA-1, Kabanavu Alaksandru Alaksandraviču. Na hety ž adras možna napisać i Siarhieju Siarhiejeviču Piatruchinu. Kali žadajecie atrymać adkaz, układzicie ŭ svoj list čysty kanviert z advarotnym adrasam.
