U Oršy kala Kurhana Nieśmiarotnaści ŭ Parku hierojaŭ a 12-j pačaŭsia pikiet Śviatłany Cichanoŭskaj. Jak pieradaje karespandent NN, bližej da 12-j sabrałasia niekalki socień, ale kolkaść prysutnych da tysiačy nie daciahvaje. Ludzi achvotna fatahrafujucca la baniera ŭ padtrymku kamandy kandydatki.
Fota Arcioma Harbaceviča.
Pobač ź miescam pikieta — miascovy mini-rynak, pradaŭcy masava zakryvajuć ralety, kab dałučycca da mitynhu, i zaklikajuć svaich pakupnikoŭ taksama rušyć za imi.
Jak i ŭčora ŭ Navapołacku, siońnia ŭ Oršy na šlachu da miesca pikieta staić mašyna zialonbudaŭcaŭ. Praŭda, sami rabotniki ničym pry hetym nie zaniatyja, pieradaje naš žurnalist.
Na pikiecie pa stanie na 12.10 užo kala tysiačy ludziej.
Videa ź miesca padziei, vyłučanaja placoŭka vielmi niazručnaja, acanić kolkaść prysutnych niemahčyma fizična.
Tut možna pahladzieć strym ź pikieta ŭ Oršy:
