Pra navinku piša birdinflight.com. U takim kanstruktary kampanii 3 662 detali: ź ich možna sabrać sam rajal z padstaŭkaj dla not i admysłovy zedlik z rehulavanaj vyšynioj. U instrumienta jość 25 kłaviš z małatočkami, struny ŭnutry, viečka, piedal, koły na nožkach — usio pradumana da drobiaziaŭ. Vyšynia madeli składaje 22,5 santymietra, a šyrynia — 30,5 santymietra.
Kab paihrać na rajali, pryjdziecca ŭstalavać na smartfon śpiecyjalny dadatak i padklučyć da jaho kanstruktar. Dalej treba naciskać cacačnyja kłavišy — huk budzie iści z telefona. Taksama možna zapuścić adnu z zapisanych miełodyj — i kłavišy pačnuć naciskacca aŭtamatyčna, byccam na rajali hraje pryvid.
Instrumient prydumaŭ fanat kampanii — nastaŭnik muzyki i naładčyk Doni Čen. Jon vykłaŭ svoj prajekt na płatformie LEGO Ideas, jakaja daje šaniec uziać udzieł u raspracoŭcy novaha praduktu ŭsim achvotnym.
Kanstruktar pastupić u prodaž 1 žniŭnia i budzie kaštavać $350.
