Pradstajaciel RPC patryjarch Kirył zaklikaŭ ihumieńniu Maskoŭskaha Pakroŭskaha manastyra ihumieńniu Fieafanu (Miskinu) pradać limuzin Mercedes Benz S-kłasa, paviedamiŭ u svaim tielehram-kanale kiraŭnik Sinadalnaha adździeła pa ŭzajemaadnosinach Carkvy z hramadstvam i ŚMI Uładzimir Lehojda, pieradaje svoboda.org.
Raniej rasijskaje vydańnie «Adkrytyja miedyja» vyjaviła, što jaje aŭtamabil moža kaštavać $132 tysiačy.
Fota: Maskoŭskaja haradskaja jeparchija Ruskaj Pravasłaŭnaj Carkvy.
Fieafana ŭžo 25 hadoŭ uznačalvaje Pakroŭski žanočy manastyr na Tahanskaj, dzie znachodziacca moščy šanavanaj u RPC śviatoj Matrony Maskoŭskaj. Jana kiruje pravasłaŭnaj himnazijaj u Troica-Łykavie i niekalkimi haścinicami, jakija naležać carkvie.
Z taho času, jak jana stała nastajacielnicaj Pakroŭskaha manastyra, u jaje asabistym aŭtaparku źmianilisia jak minimum čatyry Mercedes-Benz, vynikaje z dadzienych DIBDR, ź jakimi aznajomilisia «Adkrytyja miedyja». Spačatku jana jeździła na paraŭnalna biudžetnych madelach, ale ŭ 2011 i ŭ 2016-m kuplała sabie prestyžny Mercedes-Benz S500 4MATIC.
