fota z fejsbuka
Cieła trochhadovaha Musy, syna palitviaźnia Rusłana Sulejmanava, znajšli ŭ vyhrabnoj jamie pobač z domam, na im nie było bačnych prykmietaŭ hvałtoŭnaj śmierci, paviedamlajuć ŚMI
Musa źnik u vioscy Strohanaŭka Simfieropalskaha rajona 24 lipienia. Uviečary dzicia pajšło hulać razam ź siastroj, ale ŭ niejki momant dziaŭčynka zhubiła brata.
Źnikłaha dvoje sutak šukali amal dźvie tysiačy čałaviek, u tym liku, palicejskija, ratavalniki, vałanciory pošukavaha ruchu «Liza Alert» i miascovyja dobraachvotniki.
Jahony baćka Rusłan Sulejmanaŭ byŭ zatrymany ŭ sakaviku 2019 hoda, kali siłaviki praviali masavyja pieratrusy ŭ damach krymskich tataraŭ. U FSB RF zajavili, što zatrymali 20 udzielnikaŭ arhanizacyi «Chizb ut-Tachryr», jakuju ŭ Rasii ličać terarystyčnaj. Dzieviaciarych zatrymanych, u tym liku Rusłana Sulejmanava, aryštavali. Paviedamlajecca, što jon niadaŭna byŭ u balnicy SIZA, bo dyjahnastavany parok serca.