Ministerstva abarony Rasii 26 lipienia zajaviła, što chutka zavieršać dźvie novyja sistemy ŭzbrajeńnia dla vajenna-marskoha fłotu. Siońnia ŭ Rasii adznačajuć Dzień VMF.
Havorka idzie pra hipierhukavy rakietny kompleks «Cyrkon» i jadziernyja bieśpiłotnyja padvodnyja aparaty «Pasiejdon». Vyprabavańni «Cyrkonaŭ» i «Pasiejdonaŭ» užo praviali.
Zajaŭlena, što rakieta «Cyrkon» moža paražać celi na dalečyni bolš za tysiaču kiłamietraŭ z chutkaściu ŭ 9 razoŭ bolšaj za chutkaść huku.
«Unikalnyja pieravahi i pavyšeńnie bajavych mahčymaściaŭ fłotu buduć dasiahacca za košt šyrokaha ŭkaranieńnia pieradavych ličbavych technałohij, jakija nie majuć anałahaŭ u śviecie hipierhukavych udarnych kompleksaŭ, bieśpiłotnych i padvodnych aparataŭ, za košt samych efiektyŭnych srodkaŭ abarony», — pryvodzić cytatu Pucina Interfaks.
