Adnoj z davieranych asobaŭ Hanny Kanapackaj na vybarach-2020 staŭ palitołah Pavieł Patapiejka. Heta niezvyčajnaja asoba ŭpieršyniu apynułasia siarod prychilnikaŭ «apazicyi».
Pavieł Patapiejka, fota teleskop-by.org
Patapiejku 45 hadoŭ, jon vypusknik fakulteta mižnarodnych adnosinaŭ BDU, abaraniŭ kandydackuju dysiertacyju pa kanflikcie ŭ Paŭnočnaj Irłandyi. Składana znajści dziaržaŭnuju ŭstanovu, dzie Patapiejka — prynamsi pa jaho słovach — nie pracavaŭ. Ministerstva zamiežnych spraŭ, Ministerstva kultury, Ministerstva transpartu i kamunikacyj, aparat Pałaty pradstaŭnikoŭ, Infarmacyjna-analityčny centr pry Administracyi prezidenta, Akademija navuk…
Patapiejka pastajanna źjaŭlaŭsia ŭ efiry dziaržaŭnych telekanałaŭ i na staronkach dziaržaŭnych haziet jak prałukašenkaŭski palitołah.
«Znoŭ adno i toje ž vidovišča, zroblenaje pa banalnych lakałach. Režysiory dziejstva, spracavała va Ukrainie, vidavočna pakutujuć na kryzis kreatyvu», — kazaŭ palitołah pra Dzień Voli — 2017.
«Kali vykarystoŭvajuć sankcyi, jak u internecie kažuć «zabanili», voś takija rečy na ŭzroŭni dziaržaŭ — heta dziciačaje hłupstva. Sankcyi ničoha nikoli nie davali nikomu. U nas svaja linija. U Amierycy heta ceniać i razumiejuć. My svaju liniju vytrymali, my vystajali. My zrabili toje, što chacieli. A my nie chacieli nadta mnohaha. My prosta chacieli, kab nas pavažali i my prosta praciahvali svaju liniju», — u minułym hodzie analizavaŭ Patapiejka biełaruska-amierykanskija adnosiny.
Adnačasova z hetym davieranaja asoba Kanapackaj — pastajanny aŭtar i ekśpiert rasijskich «intehracyjnych» resursaŭ «Sputnik», «Sajuzny naratyŭ», «Jeŭrazija. Ekśpiert», «Imchakłab».
Na «Imchakłabie» ŭ jaho bolš za 50 artykułaŭ.
Pavieł Patapiejka admoviŭsia kamientavać situacyju karespandentu «Našaj Nivy» — rabiŭ vyhlad, što jedzie ŭ mietro i nie moža razmaŭlać.
Kanapackaja apublikavała zdymak z narady ŭ štabie. Źleva — były namieśnik staršyni BNF Ihar Lalkoŭ (u 2015 jon pracavaŭ u štabie Taćciany Karatkievič), sprava — Pavieł Patapiejka.