Ilustracyjnaje fota Nadziei Bužan
Spartak Sirenka, jaki byŭ zatrymany za ŭdzieł u akcyi pratestu 14 lipienia ŭ Minsku i asudžany na 10 sutak aryštu za «ŭdzieł u niesankcyjanavanym masavym mierapryjemstvie» i «niepadparadkavańni zakonnym patrabavańniam milicyi», nie vyjšaŭ na volu 24 lipienia, paviedamlaje spring96.org
Viadoma, što paśla sutak jon byŭ pakinuty pad vartaj u jakaści padazravanaha pa art. 342 Kryminalnaha kodeksa - «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich».
26 lipienia ŭ kvatery Spartaka Sirenki, dzie pražyvaje jaho žonka, prajšoŭ pieratrus. Supracoŭniki milicyi ničoha nie kanfiskavali.
Nahadajem, viečaram 14 lipienia ŭ Minsku i inšych haradach krainy prajšli stychijnyja akcyi pratestu suprać nierehistracyi kandydatami ŭ prezidenty Viktara Babaryki i Valeryja Capkały. U stalicy ŭ toj viečar było zatrymana kala 300 čałaviek, mnohija ź ich byli aštrafavanyja i adpraŭlenyja na «sutki».
Paźniej pa hetych padziejach byli raspačatyja kryminalnyja spravy pa troch artykułach Kryminalnaha kodeksa: 363 (supraciŭ supracoŭniku orhanaŭ unutranych spraŭ), 364 (Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ), 342 (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
U ramkach kryminalnych spraŭ užo zatrymanyja Anton Šumaŭ, Uładzisłaŭ Uścin, Uładzimir Chamičkoŭ, Anton Vałavik i jašče minimum čatyry čałavieki.
