28 lipienia Śviatłana Cichanoŭskaja vystupiła sa svaim druhim telezvarotam. Prapanujem vam jaho asnoŭnyja punkty i videazapis.

«Vas pałochajuć, što, kali vy nie vybieracie dziejnuju ŭładu, to tak budzie Majdan. Heta nie tak». 

«My kažam, što bolšaść biełarusaŭ choča žyć u svabodnaj i bahataj krainie, a jon pałochaje Majdanam. Dyk chto tut choča zładzić Majdan? Jon ci my?»

«My nie chočam i joj nie damo. Kali hetaja ŭłada sydzie, tut budzie nie Majdan, a śviata».

«Niezaležnaść Biełarusi — naša samaja vialikaja kaštoŭnaść».

«My nie chočam zhubić niezaležnaść, i ŭładzie nie damo zrabić heta z nami».

«Piensii płacić nie ŭłada. Piensii płaciać svaje dzieci i ŭnuki. Kali ŭnuki pajeduć, piensii płacić nie budzie kamu. A jany źjeduć, kali ŭłada pierakročyć 26-hadovy rubiež».

«Vas pałochajuć, što ekanomika razvalicca. Nasamreč, heta ŭžo zdaryłasia».

«Kali hetaja ŭłada sydzie, Biełaruś nie stanie biednaj. Jana pierastanie być takoj».

«Ułada sieje kavuny i pierabiraje bulbu, pakul pałova biudžetu składajecca z padatkaŭ ad pryvatnaha biznesu».

«Dziejnaja ŭłada nie ŭmieje kiravać dziaržavaj». 

«Nie hałasujcie daterminova. Kali vy prahałasujecie daterminova, vaš hołas addaduć dziejnaj uładzie».

«Členy kamisij niasuć kryminalnuju adkaznaść za padrobku hałasoŭ».

«Nie maŭčycie, prychodźcie na našy sankcyjanavanyja mitynhi».

Apisańniu idealnaj Biełarusi budučyni Cichanoŭskaja hetym razam pryśviaciła bolšuju častku svajho zvarotu.

«Tolki razam my pabudujem krainu dla žyćcia», — padsumavała jana.

Клас
0
Панылы сорам
0
Ха-ха
0
Ого
0
Сумна
0
Абуральна
0