Łukašenka prosta ciapier sabraŭ u Pałacy Niezaležnaści terminovuju naradu z členami Rady biaśpieki, paviedamlaje telehram-kanał Puł pieršaha.
Nahadajem, siońnia ŭłady Biełarusi zajavili pra zatrymańnie 33 hramadzian Rasii, supracoŭnikaŭ pryvatnaj vajennaj kampanii Vahniera.
«Ja zaprasiŭ vas dla taho, kab razabracca z hetym, možna skazać, nadzvyčajnym zdareńniem, jakoje zdaryłasia siońnia nočču. Inakš jaho nie nazavieš», — adznačyŭ Łukašenka.
Jon paprasiŭ staršyniu KDB Valeryja Vakulčyka bolš detalova dałažyć ab situacyi. «Ja hladžu na reakcyju rasiejcaŭ. Jany ŭžo, apraŭdvajučysia, kažuć, što ledź nie my ich sami siudy zavieźli. Jasna, treba ž niejak apraŭdać svaje brudnyja namiery. Tamu vielmi prasiŭ by, kab u hetaj situacyi i z hetym faktam było usie vielmi adkryta i sumlenna. Kali heta rasijskija hramadzianie (a ja tak razumieju, ich dapytali), značyć, treba źviarnucca nieadkładna ŭ adpaviednyja struktury Rasijskaj Fiederacyi, kab jany patłumačyli, što adbyvajecca», — skazaŭ Alaksandr Łukašenka.
Asobnaje daručeńnie Łukašenka taksama daŭ pres-sakrataru Natalli Ejsmant: «Nam treba źviarnucca da rasijskich srodkaŭ masavaj infarmacyi, u tym liku Telegram-kanałaŭ, kab jany, jak Pucin kaža, «purhu nie hnali». Kali vinavatyja, treba z hetaj situacyi vychodzić hodna. Nie vinavatyja — dobra, u nas niama nijakich metaŭ zhańbavać blizkuju nam krainu».
«Tamu ja chacieŭ by, kab koratka dałažyli mnie ab situacyi i pra toje, što na siońnia my majem», — dadaŭ Łukašenka.
Čytajcie taksama:
Ułady Biełarusi zajavili pra zatrymańnie 33 rasijskich bajevikoŭ-vahnieraŭcaŭ
Chto jany — 33 zatrymanyja bajeviki? Snajpiery, raźviedčyki, bierkutaŭcy z «DNR» FOTY
Rasijskija krynicy: Praź Minsk pierakidvali hrupy vahnieraŭcaŭ u Afryku, i ŭłady Biełarusi pra toje cudoŭna viedali
«Zabrali ŭnačy i pavieźli ŭ Minsk». Chto taki «33-i bajavik», jakoha zatrymali na poŭdni Biełarusi
