Rasija nastojvaje na bolš chutkim vyzvaleńni zatrymanych u Biełarusi rasijskich hramadzian, a taksama na ciesnym uzajemadziejańni ź biełaruskimi pravaachoŭnymi orhanami i advakatami pa spravie. Pra heta paviedamiŭ u subotu žurnalistam ambasadar RF u Biełarusi Dźmitryj Mieziencaŭ, piša tass.ru.
«My nastojvajem na najchutčejšym vyzvaleńni našych hramadzian i ščylnym uzajemadziejańni z pravaachoŭnymi orhanami Biełarusi i advakatami», — adznačyŭ kiraŭnik rasijskaj dypmisii.
«Pretenzii i dvajakija traktoŭki pryčyn znachodžańnia našych hramadzian na terytoryi Respubliki Biełaruś bačacca nieabhruntavanymi i nadumanymi, vyklikajuć krajniaje ździŭleńnie», — padkreśliŭ Mieziencaŭ. «Faktaŭ, jakija dazvalajuć ličyć, što hetyja ludzi byli hatovyja da parušeńnia hramadskaha paradku, niama. Pakul biełaruskim bokam jany nie pradjaŭlenyja», — skazaŭ dypłamat.
Jon prainfarmavaŭ, što sustreča konsulskich supracoŭnikaŭ z zatrymanymi hramadzianami praciahvałasia ad 22:00 piatnicy da 05:00 suboty. Mieziencaŭ zajaviŭ, što pradstaŭniki ambasady «zadali ŭsie pytańni, jakija abaviazanyja byli zadać». «Heta pytańni adnosna metaŭ pryjezdu ŭ Respubliku Biełaruś, płanaŭ dalejšaha pieramiaščeńnia, umoŭ utrymańnia i tych dakumientaŭ, jakija byli pradstaŭlenyja kožnamu zatrymanamu», — udakładniŭ rasijski pasoł.
