Tysiačy ludziej sabralisia na mitynh kandydata ŭ prezidenty Śviatłany Cichanoŭskaj siońnia ŭ Baranavičach. Siarod udzielnikaŭ mitynhu było šmat desantnikaŭ. Pravaabaroncy z «Viasny» acanili ahulnuju kolkaść udzielnikaŭ u 7400 čałaviek.
Razam ź Cichanoŭskaj vystupili pradstaŭniki jaje štaba Maryja Kaleśnikava i Vieranika Capkała. Takim čynam Cichanoŭskaja praciahvaje svajo turne pa haradach Zachodniaj Biełarusi. Siońnia jana jašče praviadzie mitynh u abłasnym centry — u Breście a 14:00.
12:42
11:41
11:37
Pravaabaroncy paviedamlajuć pra 8 tysiač udzielnikaŭ u Baranavičach.
11:22
Admietnaść mitynhu ŭ Baranavičach — vialikaja kolkaść pdvšnikaŭ.
10:55
«My abjadnalisia dziela taho, kab pravieści sumlennyja spraviadlivyja vybary. U nas jość dastojnyja kandydaty!» Cichanoŭskaja tradycyjna kaža prychodzić na ŭčastki 9 žniŭnia na vybarčyja ŭčastki i hałasavać za jaje.
«Śvieta»! Śvieta» Śvieta!» — hukajuć ludzi.
10:46
«Mianie pierapaŭniaje honar, što ja tut staju. Ja, napeŭna, nie zasłužyła»
«Zasłužyła, zasłužyła», — pierabivajuć ludzi. «Małajčyna!»
10:45
Cichanoŭskaja raskazvaje pra muža: «Jon — mužyk», — kryčać ludzi.
«Ja vam abiacaju ŭ novaj Biełarusi zatrymańniaŭ nie budzie», — kaža Śviatłana.
«Mnie ŭłada nie patrebnaja. Vy ŭsie — ułada».
10:40
Ludzi pryjšli ź ikonami: Hieorhij Pabiedanosiec, Archanioł Michaił i Śviataja Baharodzica.
Siońnia, darečy, vialikaje śviata — Illa.
10.30
Cichanoŭskaja, Kaleśnikava i Capkała ŭžo na scenie. Aktyvist Mikałaj Čarnavus u vyšyvancy doryć im karavaj. «Adzinaje, što paprašu, jak staniecie prezidentam, vypuścicie z turmy kambajniera z Chojnikaŭ Jaŭhiena Vasilkova, zrabicie jaho staršynioj sielsavieta».
Cichanoŭskaja sustrakaje firmovaj: «Nu, dobry dzień, Baranavičy!».
«Siońnia vialikaje śviata. Siońnia — 90 hod Desantnym vojskam. Darahaja, kryłataja piachota. Vy krutyja. My chočam vas pavažać, my chočam vami hanarycca, budźcie z nami!».
Ludzi zachoplena vitajuć słovy Cichanoŭskaj.
10:25
Cichanoŭskaja idzie niekalki sotniaŭ mietraŭ da miesca mitynhu. Kiroŭcy sihnalać joj, ludzi apładzirujuć.
Śviatłana na chadu paŭtaraje słovy budučaj pramovy. Jana ŭ bieła-čornaj sukiency.
Dla jaje znoŭ zładzili žyvy ludski kalidor. Ludzi vitajuć, apładzirujuć, fotkajuć na telefon. Z tym-sim jana vitajecca. Hučać «Mury».
Cichanoŭskuju vitajuć, jak rok-zorku. Ale i achoŭniki zrabili kalidor, vakoł troch dziaŭčat, kab nie było pravakacyj.
***
10:20
Vystupaje były apieratyŭnik kryminalnaha vyšuku Mikałaj Radomski, kaža, što spravy falsifikujucca. Ludzi hukajuć: «Svabodu!», «Svabodu!»
Radomski kaža, što navat kali novy kiraŭnik krainy budzie staŭleńnikam Łukašenki, jon budzie pieraśledavać tych, chto parušaŭ zakony.
Pry kancy vystupu zaklikaŭ ustupać u inicyjatyvu «Sumlennyja ludzi», a členaŭ kamisij rabić sumlennuju spraviadlivuju spravu. Vystup skončyŭ słovami «Žyvie Biełaruś».
10:10
Sa sceny, u čakańni Cichanoŭskaj, Capkała i Kaleśnikavaj, hučyć muzyka. Hraje, naprykład, «Budź razam z nami» Kramy.
***
10:00
Pa stanie na 10.00 sabrałasia da 1000 čałaviek, u asnoŭnym mužčyny pracoŭnaha ŭzrostu.
U Baranavičach mitynh projdzie ŭ Parku kultury i adpačynku imia 30-hodździa UŁKSM pa vuł. Kamsamolskaj.
A 14-j — mitynh u Breście.