Pasłańnie Łukašenki biełaruskamu narodu i Nacyjanalnamu schodu nie pieranosiłasia i adbudziecca, jak i zapłanavana, 4 žniŭnia. Pra heta BiełTA zajaviła pres-sakratar prezidenta Biełarusi Natalla Ejsmant. Nahadajem, raniej paviedamlałasia, što pasłańnie adbudziecca 3 žniŭnia.
«Nijakich pieranosaŭ niama. Jak i płanavałasia, 3 žniŭnia abiedźvie pałaty parłamienta adkryjuć svaje siesii. Deputaty i sienatary vyrašać pracesualnyja pytańni, razhledziać biahučyja pytańni paradku dnia. Uvohule toje, što i pieršapačatkova płanavałasia, nakolki mnie viadoma, abmierkavać. A na nastupny dzień, 4 žniŭnia, jak i zapłanavana, z pasłańniem da naroda i Nacyjanalnaha schodu źvierniecca kiraŭnik dziaržavy», — zajaviła Natalla Ejsmant.
Charakterna, što raniej pra toje, što pasłańnie adbudziecca 3 žniŭnia, paviedamlali navat dziaržaŭnyja ŚMI. Voś tak vyhladaje prahrama pieradač na 3 žniŭnia BT, jakim kiruje muž Natalli Ejsmant — Ivan Ejsmant.
Nahadajem, što padčas vystupu ŭ v/č 3214 27 lipienia Alaksandr Łukašenka zajaviŭ, što pieranios karanavirus bieśsimptomna.
Nieŭzabavie paśla vystupu ŭ v/č 3214 Alaksandr Łukašenka na try dni źnik z ekranaŭ, što padčas vybarčaj kampanii ekstraardynarna.
1 žniŭnia jon źjaviŭsia na ekranach, ale jaho hołas hučaŭ niezvyčajna.
