Fota Nadziei Bužan.
Valeryj Capkała ličyć, što Kreml vyrašyŭ zaniać pazicyju niejtralitetu i nie padtrymlivać nivodnaha z kandydataŭ u prezidenty Biełarusi. Pra heta jon zajaviŭ u intervju hromadske.
Na dumku Capkały, Rasija ŭpieršyniu vyrašyła nie zajmać pazicyju Łukašenki, bo baicca, što padtrymka niepapularnaha lidara moža mieć nastupstvy ŭ budučyni. Nibyta biełarusy mohuć rascanić takija dziejańni Kramla jak antybiełaruskuju palityku i sproby pieraškodzić im ruchacca napierad.
«I dla Rasii surjoznaje pytańnie: padtrymać Łukašenku i pasvarycca ź biełaruskim narodam na budučyniu, bo niama pakul što harantyi, što jaho pieraabiaruć. Ci naadvarot, padtrymać biełaruski narod — heta taksama składana, pakolki jość kuča roznych damoŭlenaściej z Łukašenkam, abaviazkaŭ», — skazaŭ Capkała.
