U subotu cieła Mikity Kryŭcova było znojdziena ŭ rajonie vulicy Parnikovaj u Minsku. Chłopiec źnik 12 žniŭnia pa darozie na pracu, z taho času suviaź ź im pierarvałasia.
SK apublikavaŭ pres-reliz.
«Nazvany małady čałaviek ličyŭsia bieź viestak źnikłym z 12 žniŭnia. Sa słoŭ žonki, niezadoŭha da zdareńnia jany pryniali rašeńnie ab razvodzie. Varta adznačyć, što małady čałaviek nie pryciahvaŭsia da administracyjnaj adkaznaści za ŭdzieł u niesankcyjanavanych masavych mierapryjemstvach i nie zatrymlivaŭsia z nazvanaj nahody», — havorycca ŭ aficyjnaj zajavie Śledčaha kamiteta.
Pa dadzienym fakcie pravodzicca pravierka, dla ŭstanaŭleńnia dakładnaj pryčyny śmierci pryznačana sudova-miedycynskaja ekśpiertyza, vytvorčaść jakoj daručana śpiecyjalistam HKSE.
«Šerah internet-resursaŭ paśpiašalisia źviazać źniknieńnie i hibiel mužčyny z padziejami, što adbyvajucca ŭ krainie, što nie adpaviadaje rečaisnaści. Aŭtary niekatorych resursaŭ metanakiravana nadajuć kožnamu infarmacyjnamu nahody palityčnuju afarboŭku. Źviartajem uvahu ŚMI na niedapuščalnaść raspaŭsiudu niedakładnaj infarmacyi», — adznačyli ŭ SK.
