U niadzielu mierapryjemstvy ŭ honar hadaviny Bałtyjskaha šlachu prachodziać pad znakam salidarnaści z narodam Biełarusi, paviedamiła dyrektar arhanizacyi «Łatvijski hramadzianski aljans» Kryścina Zonberha. Pra heta piša Radyjo Svaboda sa spasyłkaj na Dielfi.
Paśla šeścia ŭzdoŭž biełaruskaj miažy Miejkšani — Pijedruja hałoŭnaje mierapryjemstva akcyi adbudziecca ŭ pasiołku Pijedruja Krasłaŭskaha kraju, jaki adździalaje ad biełaruskaj Drui tolki Daŭhava.
Udzielniki mierapryjemstva stanuć u simvaličny łancuh i padymuć histaryčny bieł-čyrvona-bieły ściah Biełarusi, jaki pranieśli padčas šeścia amal 70 kiłamietraŭ.
Arhanizatary akcyi zaklikajuć u 12.00 ludziej i ŭ inšych rehijonach Łatvii stać u simvaličny łancuh na znak padtrymki narodu Biełarusi. U Ryzie taki łancuh vybudujecca ad pomnika Svabody da muzeju Narodnaha frontu Łatvii.
