Narod Biełarusi zdolny samastojna spravicca ź situacyjaj, jakaja skłałasia ŭ krainie. Hałoŭnym u hetych umovach źjaŭlajecca adsutnaść sprobaŭ spravakavać biesparadki zvonku, zajaviŭ u niadzielu ministr zamiežnych spraŭ Rasii Siarhiej Łaŭroŭ, vystupajučy na usierasijskim maładziožnym adukacyjnym forumie «Terytoryja sensaŭ», piša TASS.
«Naš padychod vielmi prosty: heta ŭnutranaja sprava Biełarusi. Biełarusy sami całkam u stanie jak mudry narod, spravicca z hetaj situacyjaj. Hałoŭnaje - kab nie było pravakavańnia biesparadkaŭ zvonku», - skazaŭ jon.
Rasija nie budzie piarečyć suprać luboha rašeńnia, pryniataha kiraŭnictvam Biełarusi ŭ dačynieńni da dyjałohu sa svaim nasielnictvam. «My budziem nie suprać luboha rašeńnia, jakoje prymie biełaruskaje kiraŭnictva ŭ dačynieńni da dyjałohu sa svaim nasielnictvam», - skazaŭ Łaŭroŭ.
Situacyja ŭ Biełarusi vidavočna narmalizujecca, ale jość žadajučyja realizavać ŭkrainski scenar, zajaviŭ Łaŭroŭ.
