U niadzielu 23 žniŭnia ŭpieršyniu za šmat hadoŭ vierniki pa ŭsioj krainie nie zmahli pačuć tranślacyju śviatoj Imšy, jakaja štoniadzielu ŭ 8.15 viałasia na Biełaruskim radyjo, piša catholic.by

U redakcyju partału Catholic.by pačali źviartacca katoliki z roznych miaścin Biełarusi, jakija z roznych pryčyn, u tym liku i praz składanuju epidemijałahičnuju situacyju, nie mohuć asabista być u kaściole ŭ niadzielu. Dla tych ź ich, chto nie karystajecca internetam, a heta pieradusim starejšyja ludzi, tranślacyja śviatoj Imšy na Biełaruskim radyjo — praktyčna adzinaja mahčymaść pačuć Božaje słova i duchoŭna ŭdzielničać u śviatoj Imšy ŭ niadzielu — dzień Pana.

Jak paviedamiŭ Catholic.by probašč minskaj katedralnaj parafii Najśviaciejšaha Imia Maryi ksiondz kanonik Antonij Klimantovič, śviataja Imša z tranślacyjaj pavinna była adbycca, i dla jaje celebracyi zhodna z hrafikam byŭ vyznačany śviatar.

Adnak da probašča patelefanavali ź Biełaruskaha radyjo i papiaredzili, što tranślacyi ŭ hetuju niadzielu nie budzie pa techničnych pryčynach.

Ci buduć adbyvacca tranślacyi ŭ dalejšym, supracoŭniki radyjo nie ŭdakładnili.

Клас
0
Панылы сорам
0
Ха-ха
0
Ого
0
Сумна
0
Абуральна
0