U centry Horadni 23 žniŭnia kala 15 tysiač pratestoŭcaŭ vykazali svaju niazhodu z sytuacyjaj u krainie. Praz radyjo prakuratura papiaredžvała pra adkaznaść za ŭdzieł u niedazvolenych mierapryjemstvach, u centry stajali aŭtazaki z amapaŭcami napahatovie, adnak nikoha nie zatrymali, piša Radyjo Svaboda.
Tysiačy haradziencaŭ ź bieł-čyrvona-biełymi ściahami sabralisia na Savieckaj płoščy. Niekalki čałaviek abjadnali nacyjanalny i dziaržaŭny ściah na adnym tronku. Anarchisty da bieł-čyrvona-biełaha ściaha dałučyli čorny.
Na aparaturu dla mitynhaŭ za niekalki chvilin sabrali bolš za 3200 rubloŭ.
Mnohija padrychtavali ŭłasnyja plakaty z nadpisami: «Dosyć hvałtu», «U nas jość praca, my pryjšli siudy biaspłatna», «Ja tabie nie daruju», «Spynicie katavańni».
Było vidać rabočych u pracoŭnaj formie, rabotnikaŭ «Hrodna Azot», šmat siemjaŭ ź dziećmi, ravarystaŭ. Pobač z płoščaj stajali aŭtazaki, napahatovie dziažuryli amapaŭcy ŭ vykładcy z šałomami. Milicyja papiaredžvała, što mierapryjemstva niesankcyjanavanaje, u adkaz demanstranty plaskali ŭ ładki i vyhukali «Žyvie Biełaruś!», «Sychodź!», «Svabodu!».
Ludzi stali na kaleni, kab ušanavać pamiać zahinułych padčas pratestaŭ.
Z Savieckaj płoščy ludzi rušyli na płošču Lenina. Kalonaj nichto nie kiravaŭ. Na płoščy Lenina prajšoŭ mitynh, jaki sabraŭ kala 15 tysiač čałaviek. Pracavaŭ svabodny mikrafon. Ludzi vykazvalisia ŭ mehafon. Usio prachodziła mirna.
Malitvaj za pamierłych i chvilinaj maŭčańnia ŭšanavali tych, chto zahinuŭ padčas pratestaŭ. Ludzi stali na kaleni.
Vystupoŭcy sa sceny adznačyli, što śviatary roznych kanfesijaŭ ich padtrymlivajuć, pryhadali słovy kiraŭnika dziaržavy, što palitycy nia miesca ŭ chramach.
Haradzieniec Pavieł aburyŭsia hvałtam z boku milicyjantaŭ i publična vykinuŭ u śmiećcievy pakiet svoj vajskovy bilet i paśviedčańnie słužby va ŭnutranych vojskach Ministerstva ŭnutranych spravaŭ.
Rabočyja prasili padtrymać ichnyja strajki, kazali, kab haradziency prychodzili da ichnych pradpryjemstvaŭ, bo kiraŭnictva zapužvaje i prymušaje pracavać. Tak, rabotnik «Hrodnaprambudu» zaklikaŭ padtrymać strajkoŭcaŭ kala budoŭli ankalahičnaha centru ŭ lesaparku Pyški.
Na pytańnie adnaho z vystupoŭcaŭ, chto siońnia bajaŭsia vyjści na płošču, bolšaść ludziej padniali ruki.
«Bajacca — heta narmalna», — vykazaŭ dumku demanstrant.
Ludzi sa sceny dziakavali za salidarnaść i padtrymku susiednim krainam. Skandavali lozunhi, śpiavali pieśni.
Huk byŭ dosyć słaby. Tym, chto stajaŭ dalej ad sceny, jakoj słužyŭ pastament pomnika Leninu, było kiepska čuvać. Sa sceny abvieścili zbor hrošaj na aparaturu dla mitynhaŭ. Za niekalki chvilin sabrali bolš za 3200 rubloŭ.
Paśla mitynhu tysiačy ludziej rušyli da turmy. Tam vyhukali «Svabodu!», «Zabirajcie Łukašenku!», «Vypuskaj!». Ich syhnałami padtrymlivali aŭtamabili.
Pastupova ludzi razyšlisia. Zatrymańniaŭ nie było vidać.
