Talisman čempijanatu
U vypadku nieabchodnaści Finlandyja razhledzić mahčymaść pieraniać častku čempijanatu śvietu pa chakiei 2021 hoda, paviedamlaje Tribuna.com sa spasyłkaj na Press.lv. Pra heta zajaviŭ prezident finskaj chakiejnaj asacyjacyi Chary Numeła.
Suśvietnaje pieršynstva pavinna prajści z 21 maja pa 6 červienia 2021 hoda ŭ Minsku i Ryzie, adnak premjer-ministr Łatvii Kryšjanis Karyńš zajaviŭ, što praz palityčnuju situacyju ŭ Biełarusi Łatvija nie moža pravodzić čempijanat razam ź joj, i zaklikaŭ pieranieści biełaruskuju častku turniru ŭ inšuju krainu.
Kali Mižnarodnaja fiederacyja chakieja (IIHF) admovicca pieranosić turnir ź Minska, a situacyja ŭ Biełarusi nie źmienicca, Łatvija moža admovicca ad praviadzieńnia svajoj častki čempijanatu.
U najbližejšy čas Ministerstva adukacyi i navuki, u padparadkavańni jakoha znachodzicca łatvijski sport, pačnie pieramovy z IIHF. Łatvija čakaje rašeńnia Fiederacyi na praciahu miesiaca.
