Pra heta havorycca ŭ zajavie viarchoŭnaha pradstaŭnika ES pa zamiežnych spravach i palitycy biaśpieki Žazepa Barela.
«Jeŭrapiejski sajuz kateharyčna asudžaje toje, što vyhladaje jak zamach na žyćcio Alaksieja Navalnaha. Nieabchodna, kab rasijskija ŭłady inicyjavali biez zatrymki niezaležnaje i transparentnaje rasśledavańnie», — havorycca ŭ dakumiencie.
Barel ličyć, što «rasijski narod, taksama jak mižnarodnaja supolnaść, patrabuje faktaŭ ab atručeńni Navalnaha». «Usie adkaznyja za heta pavinny panieści pakarańnie», — padsumavaŭ kiraŭnik jeŭrapiejskaj dypłamatyi.
Rasijski apazicyjny palityk i błohier Alaksiej Navalny byŭ špitalizavany 20 žniŭnia ŭ Omsku z prykmietami atručeńnia, jamu stała błaha ŭ samalocie. Jon znachodziŭsia ŭ stanie komy i byŭ padłučany da aparata ŠVŁ. U subotu Navalnaha dastavili ŭ Bierlin i źmiaścili ŭ kliniku Charite.
U paniadziełak niamieckija miedyki zajavili, što ŭ jaho arhaniźmie znojdzienyja ślady intaksikacyi. Raniej u Omsku ich čamuści nie vyjavili. Pahrozy žyćciu Navalnaha niama, kažuć niamieckija daktary, ale nie vyklučanyja doŭhaterminovyja nastupstvy dla niervovaj sistemy.
