Ź SIZA KDB i ź SIZA na Vaładarskaha vyjšli siabry inicyjatyŭnaj hrupy Viktara Babaryki Siarhiej Michiajonak, Ihar Bialenski, Arciom i Alaksandra Moładavy. Dakładna viadoma, što Ihar Bialenski zastajecca ŭ statusie padazravanaha pa kryminalnaj spravie ab masavych biesparadkach (art. 293 KK RB), paviedamlaje pravaabarončy centr «Viasna» ŭ telehram-kanale.
Viadomy proźviščy kala 30 čałaviek, jakija zaraz znachodziacca pad vartaj u jakaści padazravanych ci abvinavačanych pa spravach ab masavych biesparadkach. Siarod ich aktyvisty štaba Viktara Babaryki Juryj Vaskrasienski, Uładzisłaŭ Karecki, Ihar Jarmołaŭ, Lavon Chałatran, Anton Bialenski, Andrej Paźniak, homielskija aktyvisty Juryj Ułasaŭ, Taćciana Kanieŭskaja, Alaksandr Šabalin, aktyvist anarchisckaha ruchu Alaksandr Franckievič.
Zatrymanyja znachodziacca ŭ SIZA KDB, SIZA-1 u Minsku, u SIZA Baranavičaŭ i Bresta.
Ahułam, pa źviestkach «Viasny» pa kryminalnych spravach pa art. 293 KK RB paśla 9 žniŭnia zatrymali bolš za 50 čałaviek.
U Minsku i rehijonach zaviedzieny šerah spraŭ suprać demanstrantaŭ pa inšych artykułach Kryminalnaha kodeksa: 363 (Supraciŭ supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak), 364 (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ), 342 (Arhanizacyja abo ŭdzieł u hrupavych dziejańniach, jakija hruba parušajuć hramadski paradak) i inš.
