Rabotniki troch filijałaŭ «Hrodnaenierha» źviarnulisia da haradskich uładaŭ i vykazali salidarnaść z udzielnikami mirnych pratestaŭ. Heta «Hrodzienskija elektryčnyja sietki», «CEC-2», pradpryjemstva srodkaŭ dyśpietčarskaha i technałahičnaha ŭpraŭleńnia (PSDTU). Zvarot padpisali 668 rabotnikaŭ, piša Hrodna.life.
Usiaho ŭ filijałach pracuje kala 1 800 čałaviek. Podpisy źbirali dva dni, tamu padpisacca zmahli nie ŭsie achvotnyja. Da taho ž, niekatoryja z pracaŭnikoŭ u adpačynku.
List 21 žniŭnia adrasavali staršyni Hrodzienskaha abłvykankama Viktaru Kraŭcovu (z 22 žniŭnia staršynioj staŭ Uładzimir Karanik, były ministr achovy zdaroŭja Biełarusi), staršyni Hrodzienskaha harvykankama Miečysłavu Hoju i hienieralnamu dyrektaru RUP «Hrodnaenierha» Uładzimiru Šaterniku. Adkazu na zvarot rabotniki pa stanie na 24 žniŭnia jašče nie atrymali.
