Hladzieć z 11:50 — 4-chvilinnaja avacyja. Z 31:30 — v.a. ministra skandujuć «Hańba!»
Kalektyŭ RNPC «Kardyjałohija» vitaŭ zvolnienaha łukašenkaŭcami dyrektara Mročaka 4-chvilinnaj avacyjaj. Pinieviču na sustrečy ŭ RNPC kryčali «Što ty viarzieš?» i pravodzili skandavańniem «Hańba!».
Šmathadovaha kiraŭnika ŭnikalnaha Respublikanskaha navukova-praktyčnaha centra «Kardyjałohija», stvaralnika kardyjachirurhičnaj škoły prafiesara Alaksandra Mročaka zvolnili za hramadzianskuju pazicyju. Ad jaho patrabavali, kab jon napisaŭ zajavu «pa ŭłasnym žadańni».
Daktary RNPC paśladoŭna da pracy i paśla pracy vychodzili na łancuhi salidarnaści z demanstrantami, jakija patrabujuć svabodnych vybaraŭ i pakarańnia vinavatych u katavańniach i zabojstvach.
Pra zvalnieńnie prafiesara Mročaka stała viadoma siońnia. Rašeńnie pryniaŭ v.a. ministra achovy zdaroŭja Dźmitryj Pinievič.
Učora dyrektara Mročaka zaprasili ŭ Ministerstva zdaroŭja i prapanavali napisać zajavu ab zvalnieńni pa ŭłasnym žadańni. Ad paniadziełka jaho zaprašali roznyja čynoŭniki i nastojvali, kab jon syšoŭ dobraachvotna.
Jaho vinavaciać u tym, što jon «nie zmoh utrymać kalektyŭ» i nie zabaraniŭ vykazvać svaju hramadzianskuju pazicyju adnosna situacyi ŭ krainie. Mročak admoviŭsia pisać zajavu na zvalnieńnie.
Siońnia supracoŭniki RNPC sabralisia ŭ kabiniecie Mročaka, čakali jaho na pracy. U hety čas patelefanavaŭ vykanaŭca abaviazkaŭ ministra zdaroŭja Pinievič i skazaŭ, kab dyrektar rychtavaŭsia raźvitvacca z kalektyvam, a samoha Mročaka zaprasili ŭ ministerstva.
Dyrektar prapanavaŭ Pinieviču, kab jon sam pryjechaŭ u RNPC i ahučyŭ heta kalektyvu.
Ciaham dvuch tydniaŭ kalektyŭ RNPC vykazvaŭ svaju pazicyju suprać hvałtu i za praviadzieńnie sumlennych vybaraŭ, vychodziŭ u łancuhi salidarnaści da i paśla pracy.
Minzdaroŭja zvolniła dyrektara RNPC «Kardyjałohija» Alaksandra Mročaka. Raniej daktary centra vychodzili na pikiety
