Sotni tysiač demanstrantaŭ vyjšli na vulicy Minska na dzień naradžeńnia Alaksandra Łukašenki. Zdajecca, ich było bolš, čym 16 i 23 žniŭnia.
Siłaviki pierakryli płošču Niezaležnaści i praśpiekt kala HUMa. Tady demanstranty zaniali ŭvieś praśpiekt Pieramožcaŭ i dajšli da Pałaca Niezaležnaści. Kala jaho aharodžy jany pakinuli tysiačy płakataŭ i padarunkaŭ.
Heta była samaja dziorzkaja demanstracyja hramadzianskaha niepadparadkavańnia za try tydni pratestaŭ.
Samymi papularnymi kryčałkami siońnia byli «Sam ty krysa!», «Kak aščuščenija?», «Vyjdzi paličy!» i «My na dzień naradžeńnia!».
Minsk u treci tydzień pratestaŭ pakazaŭ hatoŭnaść intensifikavać ich. Upieršyniu manifiestanty faktyčna akružyli pretencyjozny Pałac Niezaležnaści, hałoŭnuju rezidencyju Alaksandra Łukašenki. Na hety raz jon z aŭtamatam na barykadu nie vyjšaŭ.
