Uładzimir Pucin i Alaksandr Łukašenka ŭ paniadziełak praviaduć pieramovy ŭ Sočy. Heta budzie pieršy zamiežny vizit Łukašenki paśla prezidenckich vybaraŭ, u suviazi z vynikami jakich u krainie pačalisia masavyja pratesty.

Rasija, u adroźnieńnie ad šerahu zachodnich dziaržaŭ, pryznała lehitymnymi abvieščanyja CVK vyniki hałasavańnia. Vizitu Łukašenki ŭ RF papiaredničała intensiŭnaja padrychtoŭka, uklučajučy pajezdku ŭ Minsk na pačatku vieraśnia premjer-ministra RF Michaiła Mišuścina. Pa słovach samoha Łukašenki, u časie jaho sustrečy z Pucinym płanujecca kančatkova rasstavić usie kropki nad «i» pa najbolš adčuvalnych i balučych dla dźviuch dziaržaŭ temach.

Jak paviedamiła pres-słužba Kramla, na pieramovach u Sočy buduć abmiarkoŭvacca klučavyja pytańni dalejšaha raźvićcia rasijska-biełaruskich adnosin stratehičnaha partniorstva i sajuźnictva.

«Asablivuju ŭvahu płanujecca nadać realizacyi bujnych sumiesnych prajektaŭ u handlova-ekanamičnaj, enierhietyčnaj i kulturna-humanitarnaj halinach, a taksama pierśpiektyvam prasoŭvańnia intehracyjnych pracesaŭ u ramkach Sajuznaj dziaržavy», — adznačyli ŭ Kramli.

Pa słovach pres-sakratara prezidenta RF Dźmitryja Piaskova, padpisańnie jakich-niebudź dakumientaŭ pa vynikach sustrečy nie płanujecca.

Jak adznačyŭ Piaskoŭ, z ulikam tych padziej, jakija pieražyvaje Biełaruś, heta važny vizit, Jon nahadaŭ, što na ŭzroŭni ekśpiertaŭ i roznych viedamstvaŭ nie spyniajecca praca nad takimi temami, jak darožnyja karty pa intehracyi, ceny na enierharesursy, roznyja zapazyčanaści, uzajemadziejańnie pa linii pradpryjemstvaŭ i hetak dalej.

Budzie, u pryvatnaści, abmiarkoŭvacca i pytańnie refinansavańnia biełaruskaha dziaržaŭnaha doŭhu pierad RF.

Pradstaŭnik Kramla pry hetym nazvaŭ «absalutnaj łuchtoj» razmovy pra nibyta mahčymaje «pahłynańnie» Rasijaj Biełarusi paśla vizitu Łukašenki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?