11 vieraśnia Vadzim Bielski, vykładčyk Homielskaha dziaržaŭnaha techničnaha ŭniviersiteta imia Suchoha, vyjšaŭ da VNU z adzinočnym pikietam u padtrymku šachciora Juryja Korzuna. Jaho zatrymała milicyja, a sud pakaraŭ aryštam na 3 dni, piša Radyjo Svaboda.
U padtrymku Vadzima Bielskaha vyjšli studenty, vykładčyki i nieabyjakavyja ludzi. Paśla akcyi byli zatrymanyja vykładčyk BiełDUT, historyk i krajaznaŭca Jaŭhien Malikaŭ i namieśnik dekana techničnaha ŭniviersiteta imia Suchoha Uładzimir Bystrankoŭ. Namieśnika dekana, pa śviedčańni tych, chto byŭ ź im u izalatary časovaha ŭtrymańnia, zabrali prosta ź lekcyi supracoŭniki milicyi. Siońnia sud Navabielickaha rajona pakaraŭ namieśnika dekana štrafam u pamiery 270 rubloŭ.
U budynku Čyhunačnaha RAUS siońnia sudzili šerah zatrymanych, u tym liku vykładčyka BiełDUT Jaŭhiena Malikava. Jon atrymaŭ 5 dzion aryštu.
