Nacyjanalny centr kultury ŭ Varšavie abjaŭlaje nabor na XX konkurs (na 2021 hod) stypiendyjalnaj prahramy ministra kultury i nacyjanalnaj spadčyny Respubliki Polšča Gaude Polonia.
Prahrama pryznačana dla maładych tvorcaŭ i pierakładčykaŭ z krain Centralnaj i Uschodniaj Jeŭropy, u pieršuju čarhu ź Biełarusi i Ukrainy.
Stypiendyjalnaje znachodžańnie ŭ Polščy pačniecca 1 lutaha i budzie doŭžycca da 31 lipienia 2021 hoda. Nabor udzielnikaŭ ažyćciaŭlajecca na konkursnaj asnovie. Kandydaty pavinny vałodać polskaj movaj na bazavym uzroŭni.
Zajaŭki prymajucca da 15 kastryčnika 2020 hoda.
Nieabchodnyja dakumienty:
— zajaŭka na atrymańnie stypiendyi;
— minimum 2 rekamiendacyi ad viadomych u abranaj halinie dziejnaści tvorcaŭ;
— partfolia ŭ papiarovym ci elektronnym vyhladzie na CD/DVD.
Zajavu na ŭdzieł možna padać praz Polski Instytut u Minsku (Minsk, vuł. Vaładarskaha, 6) abo niepasredna ŭ Nacyjanalny centr kultury ŭ Varšavie (01-231 Varšava, vuł. Płocka, 13).
Padrabiaznaja infarmacyja ab Prahramie, umovach udziełu i błanki ankiet na staroncy.
Dadatkovuju infarmacyju možna atrymać u Nacyjanalnym centry kultury ŭ Varšavie (teł. +4822 3509530, e-mail: [email protected]), a taksama ŭ Polskim Instytucie ŭ Minsku (teł. +37517 2552371, e-mail: [email protected]).
Śfiery dziejnaści kandydataŭ:
— kino,
— fatahrafija,
— zachavańnie tvoraŭ mastactva,
— litaratura / pierakład,
— muziejnaja sprava,
— muzyka,
— vyjaŭlenčaje mastactva,
— teatr,
— mastactvaznaŭstva (mastactva, muzyka, kino, teatr).
Pieravahi:
— uzrost da 40 hadoŭ (u vyklučnych vypadkach — da 45 hadoŭ),
— značnyja dasiahnieńni ŭ abranaj halinie.
Farmalnyja kryteryi:
— hramadzianstva i miesca stałaha žycharstva ŭ Biełarusi, Ukrainie ci inšaj krainie Centralnaj i Uschodniaj Jeŭropy,
— skončanaja vyšejšaja adukacyja,
— vałodańnie polskaj movaj na dastatkovym dla kamunikacyi ŭzroŭni.
Abaviazkovyja dakumienty:
• adzin ekzemplar zapoŭnienaj zajaŭki ŭ papiarovym varyjancie, padpisanaj zajaŭnikam;
• aryhinały minimum 2 rekamiendacyj ad viadomych u svajoj halinie dziejnaści tvorcaŭ, napisanyja ŭ hod pastupleńnia zajaŭki na polskaj movie abo ź pierakładam na polskuju;
• nataryjalna zavierany pierakład na polskuju movu dypłoma ab atrymańni vyšejšaj adukacyi.
Pra stypiendyjalnuju prahramu
Gaude Polonia była zasnavanaja ŭ 2003 hodzie. Jana maje na mecie naładžvańnie i raźvićcio dobrych kulturnych adnosin Polščy z susiedziami, prasoŭvańnie polskaj kultury i supracoŭnictva pamiž mastackimi kołami Polščy i krain hetaha rehijona Jeŭropy.
Udzielničać u prahramie mohuć tvorcy, jakija ŭžo majuć i dakumientalna paćvierdziać vydatnyja dasiahnieńni ŭ abranaj halinie tvorčaści. Akramia taho, abaviazkovymi ŭmovami atrymańnia stypiendyi źjaŭlajecca cikavaja kancepcyja stypiendyjalnaha prajekta, stanoŭča acenienaja kamisijaj, i chacia b kamunikatyŭnaje viedańnie polskaj movy.
Paŭhadovaje znachodžańnie ŭ Polščy (ad 1 lutaha da 31 lipienia) dazvalaje zamiežnym tvorcam paznajomicca z sučasnaj polskaj kulturaj, realizavać ułasnyja prajekty i ŭdaskanalić svajo tvorčaje majsterstva pad nahladam viadomych polskich mastakoŭ, piedahohaŭ i pierakładčykaŭ, a taksama ŭstanoŭ kultury ŭ samych važnych i bujnych kulturnych centrach Polščy.
Za 18 hadoŭ isnavańnia prahramy «Gaude Polonia» było pryznana 768 stypiendyj tvorcam z Ałbanii, Armienii, Biełarusi, Bałharyi, Kazachstana, Makiedonii, Małdovy, Rasii, Sierbii i Ukrainy. Najbolšuju kolkaść stypiendyj atrymali ukraincy (604) i biełarusy (124).
Za hety čas prahrama zaniała važnaje miesca nie tolki ŭ polskaj sistemie tvorčych stypiendyj, ale samaje hałoŭnaje — atrymała pryznańnie ŭ tvorčych i mastackich kołach krain Centralnaj i Uschodniaj Jeŭropy.
