Pašpart kiraŭnika Katalickaha kaścioła Biełarusi Tadevuša Kandrusieviča byŭ pryznany niesapraŭdnym z-za pravierki jaho prynaležnaści da biełaruskaha hramadzianstva, adnak samoha hramadzianstva našaj krainy jon pazbaŭleny nie byŭ. Pra heta TUT.BY paviedamiŭ kiraŭnik departamienta pa hramadzianstvie i mihracyi MUS Biełarusi Alaksiej Biahun.
Jak zajaviŭ Alaksiej Biahun, pryznańnie pašparta Tadevuša Kandrusieviča niesapraŭdnym nie aznačaje, što jon byŭ pazbaŭleny biełaruskaha hramadzianstva.
— Jon nie pazbaŭleny hramadzianstva, bo pa hetym pytańni patrabujecca vyniasieńnie zaklučeńnia. Ministerstva ŭnutranych spraŭ prosta pravodzić pravierku jaho prynaležnaści da hramadzianstva Respubliki Biełaruś i pradstaŭlenych im dakumientaŭ pry prachodžańni pracedury naturalizacyi.
Pa słovach kiraŭnika departamienta pa hramadzianstvie i mihracyi MUS, štohod pravodzicca bolš za tysiaču padobnych pracedur u dačynieńni da asob, jakija majuć hramadzianstva Respubliki Biełaruś.
Jon paviedamiŭ, što pravierka ŭ dačynieńni da Tadevuša Kandrusieviča była raspačataja jašče da jaho adjezdu ŭ Polšču, tak što padziei — usiaho tolki supadzieńnie.
— Tak atrymałasia pa sukupnaści abstavinaŭ. Pracedura była krychu raniej pačata (kirunak adpaviednych zapytaŭ i hetak dalej), a jon u hety čas źjechaŭ. Nam było b taksama bolš vyhadna, kali b jon byŭ by tut.
Pa słovach Biehuna, usie padstavy dla pryznańnia pašparta niesapraŭdnym utrymlivajucca ŭ Pałažeńni ab dakumientach, jakija paćviardžajuć asobu: u tym liku ŭ vypadku, kali pašpart niezakonna vydadzieny, kali ŭ dačynieńni da asoby prymajecca rašeńnie ab stracie abo pazbaŭleńni hramadzianstva, a taksama pa inšych padstavach.
Alaksiej Biahun taksama paviedamiŭ, što adpaviednaja zajava ad Tadevuša Kandrusieviča ŭžo atrymana i pa joj budzie dadzieny padrabiazny adkaz.
— U MUS pastupiła zajava ad Kandrusieviča, jana ciapier znachodzicca na razhladzie. My ŭ najbližejšy čas hruntoŭna infarmujem zajaŭnika pa ŭsich niuansach adpaviednaj pracedury.