RF nie vyłučała nijakich umoŭ dla biełaruskich uładaŭ dla pradastaŭleńnia im kredytu ŭ $ 1,5 młrd, akramia tych, jakija tyčacca jaho absłuhoŭvańnia, zajaviŭ pres-sakratar prezidenta RF Dźmitryj Piaskoŭ, piša «Interfaks».

«U luboha kredytu jość peŭnyja kamiercyjnyja ŭmovy, źviazanyja ź jaho absłuhoŭvańniem i hetak dalej. Heta — kamiercyjnyja ŭmovy kredytu. Usio-taki luby kredyt maje kamiercyjny bok», — skazaŭ jon žurnalistam, adkazvajučy na pytańnie, ci staviŭ Uładzimir Pucin niejkija ŭmovy svajmu biełaruskamu kalehu Alaksandru Łukašenku dla pradastaŭleńnia takoha kredytu.

«Viadoma ž, ni ab jakich inšych umovach havorki iści nie moža», — dadaŭ Piaskoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0