Z «Našaj Nivaj» źviazałasia kamiercyjnaja dyrektarka fitnies-kłuba Yestoday Anastasija Starkova, jakaja śćviardžaje, što fitnies-trenier Andrej Kulik byŭ zvolnieny ŭ listapadzie 2019 hoda.
«Tady, u listapadzie, my złavili Andreja na chabary, — raskazała «Našaj Nivie» Anastasija. — Apošni akt pa vynikach supracoŭnictva ź im byŭ składzieny za pieryjad z 1 listapada pa 30 listapada 2019 hoda.
Napeŭna, takim čynam Andrej choča adpomścić kłubu. Ale jašče raz kažu, što ni ŭ lipieni, ni ŭ žniŭni 2020 hoda jon u nas u kłubie nie źjaŭlaŭsia, što možna prahladzieć pa videazapisach z kamier u kłubie».
Andrej Kulik ža praciahvaje śćviardžać, što byŭ zvolnieny u žniŭni 2020 hoda za ŭdzieł u mitynhu i chabar jon nikoli nie braŭ.
Kiraŭnictva kłuba dasłała ŭ redakcyju skrynšot razmovy za 11 i 13 listapada 2019 hoda, na jakim Andrej prosić nie vydalać jaho z ahulnaha čata kłuba, pakul sam nie raźvitajecca z usimi supracoŭnikami. U redakcyi jość i vypiska pa damovie kłuba z Andrejem za 13 śniežnia 2019 hoda.
«Nam ciapier telefanujuć klijenty, jakija ŭvachodziać u skład «bolšaści» ŭ krainie, i admaŭlajucca praciahvać zajmacca ŭ nas u kłubie, — dadaje Anastasija. — A my naohuł ich padtrymlivajem. Jurystka naša, naprykład, uvachodziła ŭ inicyjatyŭnuju hrupu Viktara Babaryki, a niadaŭna my pryniali na pracu chłopca, jaki prabyŭ peŭny čas u SIZA».
