Fota Bolhi Šukajła 

Fota Bolhi Šukajła 

«Biez usiakaha papiaredžańnia mytnia dazvalaje vieźci praź miažu tolki byłyja va ŭžytku rečy i tavary, jakija nieabchodnyja ŭ darozie», — paviedamili čytačy, pierasiakali miažu ź ES. U DMK Biełarusi Tut.by rastłumačyli, što normy ŭvozu tavaraŭ zastalisia raniejšymi, ale kantrol na miažy ŭzmocnieny.

U DMK Biełarusi raspaviali, što paśla zakryćcia susiednimi jeŭrapiejskimi krainami miežaŭ źmienšyłasia kolkaść ludziej, jakija jaje pierasiakajuć. Naprykład, u minułym hodzie ŭ sutki praź miažu pieramiaščalisia kala 90 tysiač fizičnych asob, na siońniašni dzień — nie bolš za 20 tysiač. Ale niahledziačy na ​​źmianšeńnie kolkaści hramadzian, na mytni adznačyli, što sprob pieramiaščeńnia narkotykaŭ praź miažu stała bolš.

— Z ulikam isnujučaj abstanoŭki na miažy ź Jeŭrasajuzam biełaruskaja mytnia ŭzmacniła mytny kantrol, u tym liku ŭ dačynieńni da fizičnych asob, jakija viazuć praź miažu tavary, — paviedamili ŭ pres-słužbie DMK. — Heta zroblena dla taho, kab nie dapuścić pieramiaščeńnia praź miažu zabaronienych i abmiežavanych tavaraŭ, a taksama ŭvozu kamiercyjnych partyj tavaru pad vyhladam tavaraŭ dla asabistaha karystańnia.

Pravierki i adpaviednyja rašeńni mytniki prymajuć, hruntujučysia na sistemie analizu i kiravańnia ryzykami. Hetyja padychody adpaviadajuć normam mižnarodnaha prava i nacyjanalnamu zakanadaŭstvu ab mytnym rehulavańni.

Mytniki adznačyli, što normy pieramiaščeńnia praź miažu novych tavaraŭ zastalisia raniejšymi.

Onliner.by paviedamlaje, što Biełaruś uviała «biestavarny ŭjezd» z terytoryi Polščy. «Nie prapuskajuć navat pačka kavy», — paviedamili Anłajnieru čytačy.

Клас
Панылы сорам
Ха-ха
Ого
Сумна
Абуральна