Biudžet Biełarusi praź źnižeńnie naftapierapracoŭki i paŭzy ŭ eksparcie biełaruskaj nafty straciŭ u studzieni-lipieni 2020 hoda bolš za 400 młn rubloŭ (bolš za $154 młn pavodle kursa na 24 vieraśnia). Pra heta paviedamiła namieśnik ministra finansaŭ Alena Piečań u intervju časopisu «Finansy. Ulik. Aŭdyt», piša TASS.
«Najbolš prablemnymi źjaŭlajucca płaciažy ad źniešnieekanamičnaj dziejnaści, jakija ŭ poŭnym abjomie zaličvajucca ŭ respublikanski biudžet. Za 7 miesiacaŭ pastupiła krychu bolš za 13% ad hadavoha płana pa vyvaznych mytnych pošlinach na naftu i naftapradukty, — adznačyła Piečań. — Faktyčnyja straty kazny, źviazanyja sa źnižeńniem naftapierapracoŭki i prypynieńniem ekspartu biełaruskaj nafty, za hety pieryjad skłali bolš za 400 młn biełaruskich rubloŭ».
