Biełaruskaja milicyja pravodzić pravierku pa faktach błakavańnia daroh na pratestnych akcyjach u Minsku paśla inaŭhuracyi Alaksandra Łukašenki.
«Pa faktach błakavańnia daroh, jakija mieli miesca 23 vieraśnia ŭ roznych častkach Minska, pravaachoŭnymi orhanami pravodzicca pravierka ŭ miežach kryminalna-pracesualnaha zakanadaŭstva», — paviedamiła ŭ telehram-kanale aficyjny pradstaŭnik MUS Biełarusi Volha Čamadanava.
Jana taksama adznačyła, što padraździaleńni DAI vyjaŭlajuć kiroŭcaŭ, jakija stvarali na darozie avaryjnuju abstanoŭku. Hetyja vadzicieli buduć pryciahnuty da administracyjnaj adkaznaści, pakarańnie praduhledžvaje štraf da 20 bazavych vieličyń (540 rubloŭ) z pazbaŭleńniem pravoŭ da dvuch hadoŭ.
Milicyja padkreślivaje, što naŭmysnaje błakavańnie transpartnych kamunikacyj ciahnie jak administracyjnuju, tak i kryminalnuju adkaznaść. Apošniaja praduhledžvaje pakarańnie ad 3 da 10 hadoŭ pazbaŭleńnia voli.
