Fota Nadziei Bužan
Staršynia praŭleńnia Nacyjanalnaha banka Biełarusi (NBB) Pavieł Kałaŭr sustreŭsia ŭ čaćvier u Minsku sa staršynioj praŭleńnia Hazprambanka Andrejem Akimavym, paviedamili «Interfaksu» ŭ NBB.
«Sustreča [Kałaŭra z Akimavym] była. Abmiarkoŭvałasia dvuchbakovaje supracoŭnictva, u tym liku pytańni farmavańnia orhanaŭ kiravańnia AAT «Biełhazprambank», — skazali «Interfaksu» ŭ pres-słužbie NBB.
Vyniki pieramoŭ pres-słužba nie kamientuje.
Jak paviedamlałasia, Nacbank Biełarusi ŭvioŭ z 15 červienia časovuju administracyju ŭ Biełhazprambanku paśla taho, jak Departamient finansavych rasśledavańniaŭ KDK raspačaŭ kryminalnyja spravy ŭ dačynieńni da šerahu supracoŭnikaŭ, u tym liku členaŭ praŭleńnia. Akcyjaniery tady zajavili, što rašeńnie Nacbanka ab źmienie kiraŭnictva Biełhazprambanka źjaŭlajecca hrubym parušeńniem mižnarodnaha zakanadaŭstva.
Prablemy ŭ banku pačalisia paśla taho, jak Viktar Babaryka, jaki ŭznačalvaŭ jaho ź siaredziny 2000 hoda, abviaściŭ pra svoj namier bałatavacca na pasadu prezidenta Biełarusi. Babaryka byŭ aryštavany 18 červienia.
Ułady abvinavačvajuć jaho ŭ arhanizacyi złačynnaj hrupy pa admyvańni nielehalnych dachodaŭ, uchileńni ad vypłaty padatkaŭ i dačy chabaru. Taksama byli aryštavanyja 6 z 9 členaŭ praŭleńnia banka, u tym liku v. a. staršyni praŭleńnia Kirył Badziej.
