Stan palitźniavolenaha advakata Maksima Znaka, jaki trymaje haładoŭku ŭ SIZA № 1, pahoršaŭ. Pra heta TUT.BY paviedamiŭ abaronca Dźmitryj Łajeŭski.
Fota Nadziei Bužan.
24 vieraśnia advakaty Dźmitryj Łajeŭski i Nadzieja Znak naviedali Maksima Znaka ŭ SIZA.
«Hety raz heta akazałasia niaprosta. Z Maksam udałosia parazmaŭlać tolki niekalki chvilin. My vyśvietlili, što stan jaho zakanamierna pahoršaŭ. U toj ža čas Maks mocny ducham. Jon pierakanany: hramadstva pavinna zadumacca ab tym, što prava — važna. Biez prava narmalnaje žyćcio hramadstva niemahčyma, hetak ža, jak bieź ježy niemahčyma žyćcio čałavieka», — raspaviali abaroncy advakata.
Nahadajem, Maksim Znak byŭ zatrymany 9 vieraśnia i znachodzicca ŭ SIZA № 1 Minska. 18 vieraśnia jamu vystavili abvinavačvańnie pa č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś) Kryminalnaha kodeksa. U znak niazhody z abvinavačvańniami advakat abviaściŭ haładoŭku.
