Siońnia, 2 kastryčnika, u haradskim sudzie Žodzina razhledzieli spravy dźviuch zatrymanych haradžanak: Aleny Mielnik i Anastasii Krot. A taksama jašče adnoj raniej zatrymanaj žycharki Žodzina Iryny Kožuch, piša ex-press.by.
Dziaŭčat dastavili ŭ haradski sud, dzie jašče da pačatku pracesu da ich padyšoŭ milicyjanier pa proźviščy Popčyn i abviaściŭ, što paśla suda ŭsie znoŭ pajeduć u izalatar časovaha zatrymańnia HAUS, bo na ich składzienyja novyja pratakoły.
Kožnuju ź ich abvinavacili pa artykule 23.34 Kodeksa ab administracyjnych pravaparušeńniach za ŭdzieł u niesankcyjanavanych masavych mierapryjemstvach. Anastasii Krot sud pryznačyŭ pakarańnie ŭ vyhladzie štrafu ŭ 10 bazavych vieličyń, spravu Aleny Mielnik i Iryny Kožuch adpravili na dapracoŭku.
La suda ich čakali milicyjaniery, i dziaŭčat iznoŭ zatrymali. Alenu i Nastu pa dvoje sutak čakali ich dzieci. Ciapier ža ŭ ich znoŭ pačalisia 72 hadziny zatrymańnia. Takaja ž miera ŭžytaja da Iryny Kožuch.
