1. Chto taki Dzianis Kuźniacoŭ?
Siamja nie daje ŭciamnaha tłumačeńnia. «Raniej Dzianis pracavaŭ načalnikam u turmie, ale heta było ŭ minułym, davoli daŭno», — zajaviła «Biełsatu» jaho žonka. «Jon pracavaŭ na roznych zamovach, ale aficyjna nie pracavaŭ», — dadała inšaja svajačka.
Pra ŭdzieł Kuźniacova u akcyjach pratestu ničoha nie viadoma.
2. Što ź im adbyłosia?
29 vieraśnia mužčyna trapiŭ ź izalatara na Akreścina ŭ balnicu chutkaj dapamohi z mnostvam traŭmaŭ: pierałomy kaściej čerapa, adkrytaja čerapna-mazhavaja traŭma siaredniaj stupieni, pierałomy rebraŭ, udar lohkaha, askolčatyja pierałomy pravaj paduzdyšnaj kości, zabrušynnaja hiematoma…
3. Jakaja viersija siłavikoŭ?
Rabotniki Akreścina nibyta paviedamili miedykam, što ŭ 14:00 29 vieraśnia Dzianis upaŭ z druhoha jarusa naraŭ.
4. Čamu kažuć, što Kuźniacova zabili?
Jon paśpieŭ skazać miedykam, što jaho nibyta źbili milicyjaniery.
Dapoŭniena:
Kamientar Śledčaha kamiteta
Mužčyna byŭ zatrymany za drobnaje chulihanstva, zatrymańnie nie źviazana z udziełam u niezakonnych masavych mierapryjemstvach. Śledstva papiarednie vyśvietliła, što jon upaŭ z druhoha jarusa łožka i tak atrymaŭ cialesnyja paškodžańni. Dla vyznačeńnia dakładnaj pryčyny śmierci pryznačana sudova-miedycynskaja ekśpiertyza.
