Zdareńnie adbyłosia viečaram u minułuju piatnicu ŭ vioscy Krasnaje. Mužu — 38 hadoŭ, žoncy — 35, paviedamlaje MUS.
Muž zastaŭ žonku ŭ haściach u znajomaha, 35-hadovaha žychara vioski.
Raźjušyŭsia i staŭ źbivać, nanios mnostva udaraŭ rukami, nahami pa roznych častkach cieła. Źbićcio praciahvałasia ŭ dvary doma: ciahaŭ žonku za vałasy, biŭ, žančyna pamierła na miescy.
Haspadar doma paličyŭ za lepšaje nie ŭmiešvacca.
Vypadkovym śviedkam trahiedyi staŭ susied, jaki prybieh, pačuŭšy kryki i łajanku za płotam. Mužčyna zaśpieŭ niećviarozaha muža, jaki stajaŭ nad skryvaŭlenym ciełam. Susied vyklikaŭ chutkuju dapamohu i milicyju.
Padazravany na momant zatrymańnia znachodziŭsia ŭ stanie mocnaha ałkaholnaha apjanieńnia. U jaho kryvi było 3,7 pramile.
Zatrymany nie admaŭlaje svajoj viny i napisaŭ jaŭku z pryznańniem viny.
