Trend.az
Ministr abarony Azierbajdžana Zakir Hasanaŭ daručyŭ praciahnuć kontrnastup na linii sudakranańnia ŭ zonie nahorna-karabachskaha kanfliktu, zahadaŭ u vypadku prymianieńnia Armienijaj kompleksaŭ «Iskander» zadziejničać zbroju z «vialikaj razburalnaj siłaj», piša Trend.az.
«6 kastryčnika pad kiraŭnictvam ministra abarony hienierał-pałkoŭnika Zakira Hasanava adbyłasia śpiecyjalnaja słužbovaja narada. U chodzie narady praanaliziravali biahučuju situacyju padčas kontrnastupalnaj apieracyi i dali ŭkazańnie praciahnuć płanamiernaje, metanakiravanaje i paśladoŭnaje źniščeńnie sił praciŭnika. Ministr abarony daručyŭ vojskam pryniać žyćciova važnyja i nieabchodnyja miery na vyzvalenych terytoryjach», — paviedamiła ŭ aŭtorak Ministerstva abarony Azierbajdžana.
Ministr taksama zajaviŭ, što ŭ vypadku prymianieńnia armianskimi vajennymi apieratyŭna-taktyčnych rakietnych kompleksaŭ «Iskander» buduć pryniaty adekvatnyja dziejańni ŭ adkaz.