Upraŭleńnie ŭnutranych spraŭ Minskaha rajvykankama abskardziła rašeńnie rajonnaha suda adnosna naziralnika Kiryła Anoški. Adnak Minski abłasny sud 6 kastryčnika taksama apraŭdaŭ naziralnika, piša «Radyjo Svaboda».

Minski rajonny sud 9 vieraśnia nie zadavoliŭ pazoŭ sakratarki ŭčastkovaj vybarčaj kamisii №53 ahraharadka Kałodziščy Iryny Papovaj da niezaležnaha naziralnika Kiryła Anoški, na jakoha byŭ składzieny pratakoł za chulihanstva (art. 17.1 KaAP).

Sakratarka kamisii, pavodle Kiryła Anoški, u sudzie «faktyčna źniapraŭdziła pratakoł svaimi pakazańniami». Spravu spynili praź niedakazanaść viny.

Paśla suda načalnik upraŭleńnia Minskaj rajonnaj milicyi padpałkoŭnik Pručkoŭski abskardziŭ pastanovu ŭ abłasny sud z pryčyny «adnabakovaści, niepaŭnaty i nieabjektyŭnaha daśledavańnia abstavinaŭ administracyjnaha pravaparušeńnia». Padpałkoŭnik Pručkoŭski prasiŭ admianić pastanovu i nakiravać spravu na novy razhlad.

Pavodle Kiryła Anoški, u abłasny sud, jaki nie zadavoliŭ skarhu, milicyja nie prysłała svaich pradstaŭnikoŭ.

«Niezvyčajna, što navat «paciarpiełaja» nie maje nijakich pretenzij, ale ž u milicyjantaŭ jany źjavilisia. Paskardzicca vyšej jany ŭžo nie paśpiejuć, bo praz dva dni minie dvuchmiesiačny termin dla administracyjnych spraŭ», — skazaŭ «Svabodzie» Kirył Anoška.

Клас
Панылы сорам
Ха-ха
Ого
Сумна
Абуральна